گوگل نیوز پر ہمیں فالو کریںدوحہ: طالبان کے ترجمان سہیل شاہین نے کہا ہے کہ طالبان کے وفد نے قطر میں پاکستانی سفیر سے ملاقات کی جس میں افغانستان کی صورتحال اور باہمی دلچسپی اور احترام کی بنیاد پر دوطرفہ تعلقات پر تبادلہ خیال کیا۔
قطر میں طالبان کے سیاسی دفتر کے ترجمان سہیل شاہین نے سماجی رابطے کی ویب سائٹ ٹوئٹر پر اپنے پیغام میں لکھا ہے کہ “ملاقات دوحہ میں پاکستانی سفارتخانے میں ہوئی، جہاں طالبان کے وفد کی قیادت ان کے سیاسی سربراہ شیر محمد عباس استانکزئی نے کی جبکہ پاکستانی سفیر سید احسن رضا شاہ کے ہمراہ دیگر اعلیٰ سفارتی حکام بھی موجود تھے۔”
سہیل شاہین نے اپنے ٹوئٹر پیغام میں مزید لکھا ہے کہ “دونوں فریقین نے انسانی امداد، باہمی دلچسپی کے امور اور احترام کی بنیاد پر دوطرفہ تعلقات پر تبادلہ خیال کیا۔”
1/2
Sher M. Abbas Stanikzai, Deputy Director of the Political Office and his delegation met Pakistan Ambassador to Qatar and his delegation. Both sides discussed the current Afghan situation, humanitarian assistance, bilateral relations based on mutual interest and respect,— Suhail Shaheen. محمد سهیل شاهین (@suhailshaheen1) September 3, 2021
سہیل شاہین کا کہنا ہے کہ ملاقات میں افغانستان کی تعمیر نو اور طورخم اور اسپن بولدک بارڈرز پر لوگوں کی نقل و حمل میں سہولت کے معاملات بھی زیر غور آئے۔
اس موقع پر افغان وفد کے اعزاز میں پاکستانی سفیر سید احسن رضا شاہ نے عشائیہ بھی دیا۔ افغان طالبان نے کابل میں حکومت کی باضابطہ تشکیل سے قبل اپنی سفارتی کوششیں بڑھا دی ہیں۔
1/2
Sher M.Abbas Stanikzai, Deputy Director, Political Office (PO) and his accompanying delegation met with Simon Gass, Special Envoy of the Prime Minister of UK and his delegation in Doha, yesterday. Humanitarian assistance, political and security topics as well as— Suhail Shaheen. محمد سهیل شاهین (@suhailshaheen1) September 3, 2021
گزشتہ چند روز کے دوران طالبان وفد نے دوحہ میں جرمنی اور برطانیہ کے سفرا سے بھی ملاقاتیں کی ہیں۔
دوحہ میں برطانوی وزیر اعظم کے خصوصی ایلچی سائمن گاس سے ملاقات کے متعلق طالبان ترجمان کا کہنا تھا کہ ملاقات میں باہمی تعاون کے معاملات پر تبادلہ خیال کیا گیا۔
سہیل شاہین کا ٹوئٹ میں کہنا تھا کہ ‘برطانوی وفد نے زور دیتے ہوئے کہا کہ انہوں نے پہلے ہی انسانی معاونت میں اضافہ کردیا ہے اور مستقبل میں بھی اسلامی امارات افغانستان سے تعاون کے لیے تیار ہے’۔
یہ بھی پڑھیں : آرمی چیف سے وزیراعظم آزاد کشمیر کی ملاقات، مقبوضہ کشمیر کی صورتحال پر تبادلہ خیال
