گوگل نیوز پر ہمیں فالو کریںکوئٹہ: صوبہ بلوچستان کے وزیرِ اعلیٰ جام کمال خان نے کہا ہے کہ موسم بدل رہا ہے، سردی آ رہی ہے، پاکستان کے عوام کو چاہئے کہ کورونا وائرس کو سنجیدگی سے لیں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعلیٰ بلوچستان جام کمال خان نے کہا کہ کورونا وائرس کی عالمی وباء کو سنجیدگی سے لینے کی ضرورت ہے کیونکہ موسم تبدیل ہورہا ہے۔
پیغام میں وزیرِ اعلیٰ بلوچستان نے کہا کہ موسم کی تبدیلی کے باعث عام فلو کی وباء میں بھی اضافہ ہورہا ہے اور ہم دیکھ رہے ہیں کہ لوگ کورونا وائرس کو سنجیدہ نہیں لے رہے۔ ایسا نہیں ہونا چاہئے۔
Chorona spike be taken seriously.. the weather is changing and common flu has increased too… we may not take it very casually as its been witnessed…
— Jam Kamal Khan (@jam_kamal) September 14, 2020
یاد رہے کہ اِس سے قبل پاکستان میں کورونا وائرس سے متاثرہ افراد کی تعداد 3 لاکھ 2 ہزار سے تجاوز کر گئی جبکہ فعال کیسز 5 ہزار 831 رہ گئے۔
سرکاری اعدادوشمار کے مطابق پاکستان میں کورونا سے مجموعی طور پر 3 لاکھ 2 ہزا ر 20 افراد متاثر ہوئے جبکہ اب تک ہونے والی اموات کی مجموعی تعداد 6 ہزار 383 ہے۔
مزید پڑھیں: کورونا سے 3 لاکھ 2ہزار افراد متاثر ، فعال کیسز 5ہزار 831 رہ گئے
