پشاور میں تیمور خان جھگڑا شجرکاری مہم میں شامل ہو گئے، ترقیاتی کام بھی جاری

پشاور: خیبر پختونخوا کے وزیرِصحت و خزانہ تیمور خان جھگڑا صوبائی دارالحکومت میں شجر کاری مہم میں شامل ہو گئے جبکہ ترقیاتی کام بھی ساتھ ساتھ جاری ہیں۔

سماجی رابطے کی ویب سائٹ ٹوئٹر پر اپنے پیغام میں وزیرِ خزانہ و صحت تیمور خان جھگڑا نے کہا کہ ہم چاہتے ہیں کہ پشاور کے علاقے حیات آباد کے پارکس کو بہتر بنایا جائے جس کیلئے پی ڈی اے (پشاور ڈویلپمنٹ اتھارٹی) محنت کے ساتھ کام کر رہی ہے۔

صوبائی وزیرِ صحت تیمور خان جھگڑا نے کہا کہ ہم نے فیصلہ کیا ہے کہ حیات آباد کے بڑے پارکس کو خصوصی ضروریات کے حامل افراد کیلئے مکمل طور پر قابلِ رسائی بنایا جائے جبکہ پی ڈی اے نے وعدہ کیا ہے کہ ایک ماہ کے اندر اندر اس پر کام مکمل کر لیا جائے گا۔

وزیرِ خزانہ و صحت تیمور جھگڑا نے کہا کہ ہمیں یہ بات یاد رکھنا ہوگی کہ شجر کاری کتنی اہم ہے۔ چیف سیکریٹری کے ساتھ میں نے بھی موسمی شجر کاری مہم کا حصہ بننے کیلئے ایک چھوٹی سی کاوش کی۔ تیمور جھگڑا نے شجر کاری مہم کے افتتاح کی تصاویر بھی شیئر کیں۔ 

2. And let's not forget how important it is to plant trees. Making a small contribution, along with the Chief Secretary, on the occasion of the seasonal plantation drive. pic.twitter.com/hFNP4qIBMv

— Taimur Saleem Khan Jhagra (@Jhagra) July 20, 2020

یہ بھی پڑھیں: لاک ڈاؤن کھل رہا ہے، کورونا یہیں ہے۔تیمور جھگڑا