گوگل نیوز پر ہمیں فالو کریںمیلبورن: آئی سی سی مینز ٹی ٹوئنٹی ورلڈ کپ 2022 میں بھارت کا افتتاحی میچ 23 اکتوبر کو آسٹریلیا کے تاریخی میلبورن کرکٹ گراؤنڈ میں روایتی حریف پاکستان کے خلاف ہوگا۔
یہ پاکستان اور بھارت کے درمیان ورلڈ کپ کا پہلا ٹاکرا ہوگا۔ انٹرنیشنل کرکٹ کونسل نے 16 اکتوبر سے 13 نومبر تک ہونے والے ایونٹ کے لیے مقابلوں کا اعلان کر دیا ہے۔
مردوں کی T20 کرکٹ کا سب سے بڑا عالمی ایونٹ پہلی بار آسٹریلیا میں آرہا ہے اور16 بین الاقوامی ٹیموں کے دنیا کے بہترین کرکٹرز 45 میچوں میں ایکشن میں نظر آئینگے۔
یہ میچز ایڈیلیڈ، برسبین، گیلونگ، ہوبارٹ، میلبورن، پرتھ اور سڈنی میں کھیلے جائیں گے، جس سے ملک بھر کے شائقین کو 2022 میں آسٹریلیا میں کھیلوں کے سب سے بڑے ایونٹ کو دیکھنے کا موقع ملے گا۔
پہلے راؤنڈ میں سری لنکا اور نمیبیا افتتاحی میچ اتوار 16 اکتوبر کو کارڈینیا پارک، گیلونگ میں کھیلیں گے۔ ان کے ساتھ گروپ اے میں دو کوالیفائر شامل ہوں گے۔
سپر 12 میں میزبان آسٹریلیا گروپ 1 میں عالمی نمبر ایک انگلینڈ، نیوزی لینڈ، افغانستان کے علاوہ گروپ اے کی فاتح اور پہلے راؤنڈ سے گروپ بی میں رنر اپ کے ساتھ ہے۔ گروپ 2 میں بھارت، پاکستان، جنوبی افریقہ، بنگلہ دیش کے علاوہ گروپ بی کی فاتح اور پہلے راؤنڈ سے گروپ اے میں رنر اپ شامل ہیں۔
مزید پڑھیں:انڈر 19 ورلڈ کپ : پاکستان نے افغانستان کو ہرا کر کوارٹر فائنل میں جگہ بنالی
