گوگل نیوز پر ہمیں فالو کریںآسٹریلیا میں پیر کی انجری کا شکار ہونے والے مسٹری اسپنر ابرار احمد نیوزی لینڈ کے خلاف ٹی ٹوئنٹی سیریز سے بھی باہر ہوگئے۔
پی سی بی سلیکشن کمیٹی کے سربراہ وہاب ریاض کا ایک انٹرویو کے دوران کہنا تھا کہ ابرار تاحال مکمل فٹ نہیں ہو سکے، وہ آسٹریلیا سے ہی وطن واپس آ جائیں گے۔
یاد رہے کہ پاکستان کرکٹ ٹیم اور آسٹریلیا کی پرائم منسٹر الیون کے درمیان کینبرا میں چار روزہ میچ کے تیسرے دن ابرار احمد پاؤں میں تکلیف کے باعث انجری کا شکار ہوگئے تھے۔
ایم آر آئی اسکین کی رپورٹ آنے کے بعد ابرار احمد انجری کے باعث آسٹریلیا کے خلاف سیریز سے باہر ہوگئے تھے۔
واضح رہے کہ قومی ٹیم کیویز کے خلاف 5 ٹی ٹوئنٹی میچز کی سیریز کھیلے گی،پاکستان کے دورہ نیوزی لینڈ کا آغاز 12 جنوری سے ہوگا۔
