قائد اعظم ؒ کے زیر استعمال بلیئرڈ ٹیبل کا میرے پاس ہونا اعزاز ہے، سید نعمان شاہ

اسلام آباد:شہر اقتدار کے سیکٹر ایف سیون میں شہری کے پاس بانی پاکستان قائد اعظم محمد علی جناح کے زیر استعمال 120سالہ پرانا بلیئرڈ ٹیبل اپنی اصل حالت میں موجود، سید نعمان شاہ نے اپنے آپ کو خوش قسمت انسان قرار دے دیا۔ انہوں نے کہا کہ یہ میرے لئے کسی اعزاز سے کم نہیں۔

پاکستان پروفیشنل باکسنگ لیگ کے صدر،سیاسی، سماجی اور کاروباری شخصیت سید نعمان شاہ نے ایم ایم نیوز سے خصوصی گفتگو کرتے ہوئے بتایا کہ یہ بلئیرڈ ٹیبل براؤنز یوکے کی کمپنی کا بنا ہوا ہے،جب پاکستان بنا تو اس وقت قائد اعظم ؒکے لئے یہ بلیئرڈ ٹیبل منگوایا گیا تھا۔

انہوں نے کہا کہ قائداعظم اسی پر بلیئرڈ کھیلتے تھے اور یہ بلیئرڈ ٹیبل قائداعظم ؒنے اپنے ذاتی پیسوں سے منگوایا تھا،ان کی وفات کے بعد یہ ٹیبل کراچی سے راولپنڈی کلب منگوا لیا گیا تھا۔

پاکستان کے مایہ ناز سائنس دان عبدالقدیر خان نے جب راولپنڈی کلب کا دورہ کیا تو اس دوران ان کی گراں قدر خدمات کے باعثقائداعظم محمد علی جناح کا بلیئرڈ ٹیبل ان کوبطور تحفہ دیا گیا۔دس سال تک یہ بلئیرڈ ٹیبل ڈاکٹرعبدالقدیر خان کے پاس رہا۔

اس کے بعد ڈاکٹر عبدالقدیر خان نے یہ بل ٹیبل مجھے تحفے میں دے دیا،اب تقریباً عرصہ تیس سال سے یہ بلیئرڈ ٹیبل میرے پاس ہے، میں نے اس بلیئرڈ ٹیبل کو دل سے لگا کر رکھا ہے،اس کا کپڑا تبدیل ہوتا ہے،میں نے جب پہلی مرتبہ اس کا کپڑا تبدیل کیا تو مجھے اس کی سلیٹں پر 786 لکھا نظر آیا۔

یہ بات میرے لئے بڑی عجیب تھی کیونکہ یہ بلیئرڈ ٹیبل براؤنز یوکے کی کمپنی نے بنایا ہے اس کا سیریل نمبر قدرتی طور پر 786 ہے،میں خوش قسمت انسان ہوں کہ میرے پاس بابائے قوم کا بلئیرڈ ٹیبل موجود ہے،یہ ٹیبل مجھے قائد اعظم محمد علی جناح کی یاد دلاتا ہے۔

ہمیں قائد کے پاکستان کو بھی اسی ٹیبل کی ہرا بھرا رکھنے کی ضرورت ہے، سید نعمان شاہ نے کہا کہ میں پاکستان پروفیشنل باکسنگ لیگ کا صدر بھی ہو اور ایڈوائزر جنرل سیکرٹری امور کشمیر پاکستان تحریک انصاف کی طرف سے ہوں،پاکستان کی تعمیر و ترقی کے لئے میں اپنی بھرپور جدوجہد جاری رکھوں گا۔