گوگل نیوز پر ہمیں فالو کریںکراچی: صوبہ سندھ کے شہر ٹھٹھہ کی زمینوں کے ریکارڈ میں جعلسازی کے کیس میں چیف جسٹس سپریم کورٹ نے سینئر ممبر بورڈ آف ریونیو کو 1 ماہ میں رپورٹ پیش کرنے کا حکم دیا ہے۔
تفصیلات کے مطابق سپریم کورٹ کراچی رجسٹری میں ٹھٹھہ کی زمینوں کے ریکارڈ میں جعلسازی کے کیس کی سماعت ہوئی۔ عدالت نے حکم دیا کہ سینئر ممبر بورڈ آف ریونیو 1 ماہ میں رپورٹ پیش کریں کہ محکمۂ ریونیو کی زمینوں پر کتنے قبضے ہوئے۔
سپریم کورٹ نے حکم دیا کہ محکمۂ ریونیو اپنی گرین بیلٹ پر قائم قبضے ختم کرائے۔ محکمۂ جنگلات کی زمینوں سے بھی قبضے ختم کرائے جائیں اور محکمۂ آب پاشی کی زمینیں بھی ناجائز قبضوں سے واگزار کرائی جائیں۔
چیف جسٹس آف پاکستان جسٹس گلزار احمد نے ریمارکس دیتے ہوئے کہا کہ آپ کے دفاتر میں کئی متوازی نظام چل رہے ہیں۔ کس محکمے کی زمینوں پر کتنے قبضے ہوئے اور کتنی زمین واگزار کرائی گئی، یہ رپورٹ 1 ماہ میں پیش کریں۔
یاد رہے کہ اِس سے قبل سپریم کورٹ آف پاکستان نے کڈنی ہل کی غیر قانونی تعمیرات کو 2 ہفتے میں ختم کرنے کا حکم دےد یا ہے۔
آج سپریم کورٹ کراچی رجسٹری نے اوور سیز سوسائٹی کڈنی ہل سے متصل 4 مکان مالکان کو نوٹسز جاری کردئیے۔عدالتِ عظمی نے کمشنر کراچی کو 2 ہفتوں میں عمل درآمد رپورٹ پیش کرنے کی ہدایت کی۔
مزید پڑھیں: کڈنی ہل کی غیر قانونی تعمیرات 2 ہفتے میں ختم کرنے کا حکم
