گوگل نیوز پر ہمیں فالو کریںسنیتا مارشل کا شمار پاکستان کی مشہور اداکاراؤں میں ہوتا ہے۔
سنیتا مارشل اور اداکار حسن احمد کی شادی کو 15 سال ہوگئے ہیں اور جوڑے کے دو بچے بھی ہیں۔ اُن کی جوڑی کا شمار شوبز انڈسٹری کی کامیاب جوڑی میں ہوتا ہے۔
گزشتہ کچھ عرصے سے شوبزانڈسٹری کے ستاروں کے درمیان طلاق کی شرح میں بہت زیادہ اضافہ دیکھنے میں آرہا ہے، کئی ایسی جوڑیاں ہیں جنہوں نے محبت کی شادیاں کیں لیکن پھر وہ کچھ عرصے کے بعدعلیحدہ ہوگئیں جن میں سجل علی اور احد رضا میر، فیروز خان اور علیزے سلطان اور دیگر کئی شامل ہیں۔
آریز احمد نئے ڈرامے میں خواجہ سرا کا کردار ادا کرینگے
حال ہی میں اداکارہ سنیتا مارشل نے پروگرام ہنسنا منع ہے میں اس حوالے سے گفتگو کی، میزبان نے اُن سے سوال کیا کہ اِن دنوں شادیاں صرف کچھ مہینوں میں ہی ختم ہوجاتی ہیں، آخر اس کی وجہ کیا ہے؟
جواب میں سنیتا مارشل نے کہا کہ شادی میں سمجھوتہ بہت ضروری ہوتا ہے، صرف میاں بیوی کو ہی نہیں اُن کے خاندان کو بھی سمجھوتہ کرنا پڑتا ہے، جبھی ایک شادی کامیاب ہوتی ہے۔
