گوگل نیوز پر ہمیں فالو کریںکراچی :ضلع ملیرکےعلاقے سکھن سے ڈکیتی اور راہزنی کی پچاس سے زائد وارداتوں میں ملوث گروہ کے 4 ارکان کوسکھن پولیس نے گرفتار کر لیا۔
پولیس کےمطابق 2ملزمان اشتہاری ہیں اور مسافر ٹرینوں میں میںڈکیتی کی وارداتوںمیں بھی مطلوب تھے۔ ملزمان کا گروہ شہر میں منشیات کی سپلائی بھی کرتا تھا۔پولیس نے خفیہ اطلاع پر چھاپہ مار کارروائی کی۔
ملزمان کے قبضے سے غیر قانونی اسلحہ بمعہ لوڈ میگزین اور چار کلو سے زائد چرس برآمدہوئی۔ پولیس نے دو چوری شدہ موٹرسائیکلیں بھی تحویل میں لے لیں۔گرفتار گروہ کے مرکزی ملزمان عامر عرف کالا اور ہمیر عرف وسیم عدالت کی جانب سے اشتہاری قرار دیئے گئے تھے۔
دونوں ملزمان ٹرین میں ڈکیتی کی وارداتوں میں بھی ملوث تھے۔گرفتار ملزمان کیخلاف پولیس پر حملے اور ڈکیتی سمیت سنگین نوعیت کے درجنوں مقدمات درج ہیں۔
ملزمان نے تفتیش کے دوران شہر میں موٹرسائیکل لفٹنگ کا بھی انکشاف کیا،گرفتار ملزمان میں عامر عرف کالا، ہمیر عرف وسیم، توفیق عرف توفو اور امیر علی شامل ہیں۔
مزید پڑھیں: ناقص سیکورٹی ،دو ڈکیتیاں، بحریہ ٹاؤن ڈاکوؤں کا آسان ہدف بن گیا
