بھارت مقبوضہ کشمیر پر ظلم و ستم بند کرے۔ یورپی پارلیمنٹ کا مطالبہ

لکسمبرگ: یورپی پارلیمنٹ نے یومِ استحصالِ کشمیر (5 اگست) کے موقعے پر بھارت سے مقبوضہ کشمیر پر ظلم و ستم بند کرنے کا مطالبہ کرتے ہوئے مقبوضہ وادی میں انسانی حقوق کی صورتحال پر تشویش کا اظہار کیا ہے۔

تفصیلات کے مطابق یورپی پارلیمنٹ نے مقبوضہ جموں و کشمیر کی صورتحال پر یورپی کمیشن کے اعلیٰ حکام کو تحریر کیے گئے خط میں بھارتی ظلم و بربریت پر آواز بلند کرتے ہوئے کہا کہدفعہ 370 اے کی منسوخی کے بعد انسانی حقوق کی خلاف ورزی جاری ہے۔

یہ بھی پڑھیں:

گھر بیٹھے ٹافیاں کھائیں اور ماہانہ 6 ہزار ڈالر پائیں

یورپی کمیشن کو تحریر کیے گئے خط میں کہا گیا ہے کہ بھارتی فوج مقبوضہ جموں و کشمیر میں انسانی حقوق کی کھلی خلاف ورزیوں میں ملوث ہین۔ بھارتی حکام صحافیوں اور انسانی حقوق کے حق میں آواز اٹھانے والوں کو گرفتار کر رہے ہیں۔ ہمارے تحفظات بھارت تک پہنچائے جائیں۔

خط میں کہا گیا ہے کہ یورپی قائدین کو عالمی قوانین کے تحت اپنی ذمے داریوں اور فرائض کو پورا کرنا ہوگا۔ بھارت کشمیریوں کے بنیادی انسانی حقوق کے مکمل احترام کی ضمانت دے۔ کشمیریوں پر تشدد، امتیازی سلوک اور بد سلوکی فوری بند کی جائے۔

خیال رہے کہ اس سے قبل صدرِ مملکت ڈاکٹر عارف علوی اور وزیر اعظم شہباز شریف نے مقبوضہ کشمیر کی آئینی حیثیت ختم کرنے کے یکطرفہ و غیر قانونی اقدامات کی مذمت کرتے ہوئے مظلوم کشمیریوں سے یکجہتی کا اظہار کیا۔ آج یومِ استحصالِ کشمیر منایا جارہا ہے۔