پاکستان اسٹاک مارکیٹ میں520پوائنٹس کی کمی،مزید 70 ارب ڈوب گئے

کراچی : پاکستان اسٹاک مارکیٹ میں غیر یقینی صورتحال قائم ہے، کاروباری ہفتے کے تیسرے روز مزید 520 پوائنٹس کی مندی دیکھی گئی جس کے بعد سرمایہ کاروں کے مزید 70 ارب ڈوب گئے ہیں۔

آج  کاروبار کا آغاز غیر یقینی صورتحال سے ہوا جبکہ کاروبار کے دوران ایک موقع پر انڈیکس 38074.16 پوائنٹس کی نچلی سطح پر بھی دیکھا گیا تھا۔

پہلے کاروباری روز انڈیکس میں 1100 سے زائد پوائنٹس کی مندی دیکھی گئی جس سے انویسٹرزکو 160 ارب سے زائد کا نقصان ہوا تھا۔

دوسرے کاروباری روز انڈیکس میں 285.28 پوائنٹس گر گئے تھے جس کے باعث منگل کو 40 ارب روپے سے زائد کا نقصان ہوا تھا۔

آج تیسرے کاروباری روز بھی بدترین مندی دیکھی گئی، جس کے بعد شیئرز مارکیٹ میں مزید 5 حدیں گر گئیں۔

پاکستان اسٹاک مارکیٹ میں کاروبار کا اختتام 520.12 پوائنٹس کی مندی کے باعث انڈیکس 38338.33 پوائنٹس کی سطح پر پہنچ کر بند ہوا۔