گوگل نیوز پر ہمیں فالو کریںگوری خان اور اداکار شاہ رخ خان کی پروڈکشن کمپنی ریڈ چلیزانٹرٹینمنٹ نے ایک بیان جاری کیا ہے جس میں کمپنی میں ملازمت کے مواقع کے لیے ’فرضی پیشکشوں‘ کے بارے میں انتباہ کیا گیا ہے۔
کمپنی کی جانب سے جاری کردہ بیان میں کہا گیا ہے کہ سوشل میڈیا پلیٹ فارمز پر مختلف جعلی آفرز گردش کر رہی ہیں۔ “یہ ہمارے علم میں آیا ہے کہ مختلف سوشل میڈیا پلیٹ فارمز، خاص طور پر واٹس ایپ پر، ریڈ چلیز انٹرٹینمنٹ سے وابستہ ہونے کا دعویٰ کرنے والی دھوکہ دہی کی پیشکشیں گردش کر رہی ہیں۔
بیان میں کہا گیا ہے کہ “ہم واضح طور پر یہ بتانا چاہتے ہیں کہ ریڈ چلیز انٹرٹینمنٹ سوشل میڈیا کے ذریعے کسی بھی بھرتی یاروزگار کے مواقع کی پیشکش نہیں کرتا ہے۔
کمپنی نے کہا کہ وہ صرف آفیشل چینلز کے ذریعے روزگار کے مواقع فراہم کرتے ہیں۔ بیان میں کہا گیا ہے کہ “ریڈ چلیز انٹرٹینمنٹ کے حقیقی مواقع صرف ہمارے آفیشل چینلز کے ذریعے بتائے جاتے ہیں۔نوکری کی جعلی پیشکش کرنے والوں کیخلاف قانونی کارروائی کی جائیگی۔
