گوگل نیوز پر ہمیں فالو کریںپنجاب حکومت نے رمضان نگہبان پروگرام کی طرز پر غیرمسلم شہریوں کو بھی ان کے مذہبی تہواروں پر خصوصی گرانٹ دینے کا فیصلہ کیا ہے۔
رپورٹ کے مطابق مارچ اور اپریل کے مہینوں میں مختلف مذاہب کے بڑے تہوار آرہے ہیں۔ رمضان المبارک کے بعد مسلمان عید منائیں گے جبکہ ہندو برادری 13 اور 14 مارچ کو ہولی کا تہوار منائے گی۔
سکھ برادری 14 اپریل کو خالصہ جنم دن اور وساکھی منائے گی جبکہ مسیحی برادری 20 اپریل کو ایسٹر منائے گی۔
پنجاب حکومت نے سکھ، ہندو اور مسیحی برادری کو ان کے مذہبی تہواروں پر خصوصی گرانٹ دینے کا فیصلہ کیا ہے۔
صوبائی وزیر برائے اقلیتی امور سردار رمیش اروڑہ کے مطابق مستحق مسیحی، سکھ اور ہندو خاندانوں کو 15 ہزار روپے کی گرانٹ دی جائے گی۔
انہوں نے کہا وزیراعلی پنجاب اقلیتوں کو اپنے سر کا تاج سمجھتی ہیں، اس لئے مستحق اقلیتی خاندانوں کو اسپیشل گرانٹ دی جائیگی تاکہ وہ اپنے مذہبی تہوار بھرپور طریقے سے مناسکیں۔
واضح رہے کہ رمضان نگہبان پروگرام کے تحت پنجاب میں 30 لاکھ شہریوں کو 10 ہزار روپے دیئے جارہے۔
