گوگل نیوز پر ہمیں فالو کریںکوئٹہ: ملک میں کورونا وائرس کے خطرات کم ہونے کے بعد بلوچستان میں پولیو کے خلاف پانچ روزہ خصوصی مہم کل سے شروع کی جائے گی۔
رواں سال بلوچستان میں ابھی تک پولیو کے 16 واقعات رپورٹ ہوئے ہیں۔ صوبے میں کورونا کے کیسز میں نمایاں کمی کے بعد انسداد پولیو کی یہ پہلی مہم ہے۔
بلوچستان کے ایمرجنسی آپریشن سینٹر کے کوآرڈینیٹر راشد رزاق نے میڈیا سے گفتگو کرتے ہوئے کہا کہ اس وقت بلوچستان کے 11 اضلاع پولیو وائرس سے متاثر ہیں۔
انہوں نے بتایا کہ صوبے کے 33 اضلاع میں سے 25 اضلاع میں 3لاکھ کے قریب بچوں کو قطرے پلانے کے لئے تمام تر تیاریوں کوحتمی شکل دے دی ہے۔
انہوں نے بتایاکہ پولیو مہم میں 7443 موبائل ٹیمیں حصہ لیں گی جبکہ کوئٹہ ، قلات ، خضدار ، کوہلو ، قلعہ سیف اللہ ، لسبیلہ ، لورالائی ، مستونگ ، زیارت ، نصیر آباد ، شیرانی ، صحبت پور ، ژوب ، قلعہ عبد اللہ ، پشین میں 742 فکسڈ پوائنٹس قائم کئے گئے ہیں۔
راشد رزاق نے کہا کہ فرنٹیئر کور ، پولیس اور بلوچستان لیویز کے اہلکار پولیو ٹیموں کو سیکورٹی فراہم کریں گے۔
مزید پڑھیں:پاکستان میں پولیو کو روکنے کیلئے سیاسی اتفاق رائے ناگزیر ہے
