گوگل نیوز پر ہمیں فالو کریںبورڈ آف کنٹرول فار کرکٹ اِن انڈیا (بی سی سی آئی) کے صدر سارو گنگولی کے کورونا ٹیسٹ کا نتیجہ مثبت آگیا، انہیں ہسپتال منتقل کردیا گیا ہے۔
تفصیلات کے مطابق بھارتی کرکٹ بورڈ کے سربراہ کورونا کا شکار ہو گئے۔ سارو گنگولی کے جسم میں کورونا وائرس کی موجودگی کی تصدیق ہوگئی۔
یہ بھی پڑھیں:
وسیم اکرم کی بیٹی کو سالگرہ پر مبارکباد، تینوں بچوں کا گروپ فوٹو شیئر کردیا
زیادتی کیس میں کرکٹر یاسر شاہ کے دوست کی ضمانت منظور کرلی گئی
بھارتی میڈیا کا کہنا ہے کہ سارو گنگولی کو کرکٹ کی خدمت کیلئے بہت زیادہ سفر کرنا پڑا جس کے باعث کورونا کی ڈبل ویکسین بھی وائرس کا حملہ نہ روک سکی۔
BCCI President and former India captain Sourav Ganguly admitted to hospital after testing positive for COVID-19, say BCCI sources
— Press Trust of India (@PTI_News) December 28, 2021
سابق بھارتی کپتان سارو گنگولی کو احتیاطاً ہسپتال منتقل کردیا گیا۔ قرنطینہ کے دوران ڈاکٹرز گنگولی کو ادویات دے رہے ہیں۔ ڈاکٹرز نے ان کی حالت بالکل ٹھیک قرار دے دی۔
رواں برس تیسری بار سارو گنگولی ہسپتال منتقل ہوئے ہیں۔ جنوری کے آغاز میں دل کا دورہ پڑنے کے باعث سارو گنگولی کی انجیو پلاسٹی ہوئی تھی۔
کچھ وقت کے بعد سارو گنگولی ایک بار پھر سینے میں درد کے باعث ہسپتال منتقل کردئیے گئے۔ ڈاکٹرز نے دل کی تکلیف کے باعث انہیں 2 اسٹنٹ لگادئیے۔
