گوگل نیوز پر ہمیں فالو کریںبالی ووڈ اداکارہ سونم کپور کا کہنا ہے کہ لندن میں آن لائن سفری سہولیات فراہم کرنے والی کمپنی ’اوبر‘ پر سفرکے دوران ان کے ساتھ خوفناک واقعہ پیش آیا۔
سماجی رابطے کی ویب سائٹ ٹوئٹر پراپنے پیغام میں سونم کپورنے کہا کہ لندن میں سفر کے دوران اوبر گاڑی کے ڈرائیور کی حالت بظاہر غیرمستحکم تھی اورمیرے اوپر بہت چیخ رہا تھا، میں اس واقعے سے بہت ڈر گئی ہوں۔
سونم کپور کا کہنا تھا کہ ڈرائیور کے نامناسب رویے نےانہیں ہلا کررکھ دیااور میں اس سفرکے اختتام تک خوف سےکانپ رہی تھی، انھوں نے اوبر کو ٹیگ کرتے ہوئے مزید کہا میں نے آپ کی ایپ پر اس کی شکایت رپورٹ کرنے کی کوشش کی لیکن ہر بار بوٹس کے ذریعے متعدد منقطع جوابات ہی موصول ہوئے۔
ان کا کہنا تھا کہ آپ کو اپنا سسٹم اپ ڈیٹ کرنے کی اشد ضرورت ہے، جو نقصان ہونا تھا ہو گیا۔اب آپ اس بارے میں مزید کچھ نہیں کر سکتے،اداکارہ نے چند مداحوں کو جوابات بھی دیےاور اپنے مداحوں کو محتاط رہنے کا کہا ۔
سونم کپورنےمداحوں کو آرام دہ سفر کے لیے مشورہ دیا کہ وہ اوبر کے بجائے لوکل ٹرانسپورٹ یا پبلک ٹرانسپورٹ کو فوقیت دیں، اداکارہ کی جانب سے ٹوئٹ کیے جانے کے بعد لوگوں نے ان سے خیریت دریافت کی اور پوچھا کہ ان کے ساتھ کیا ہوا ہے؟۔
یہ بھی پڑھیں: نو مسلم کینیڈین وی لاگر کے اسلام قبول کرنے سے متعلق لوگوں کے سوالوں کے جوابات
