راولپنڈی (یاسین ہاشمی) راولپنڈی میں سگا بیٹا وبالِ جان بن گیا بوڑھی بیوہ والدہ اور بہن کو جان سے مارنے کی دھمکیاں دینے لگا، راولپنڈی پولیس نے بھی آنکھیں بند کرلی ، بوڑھی ماں در در کے دھکے کھانے پر مجبور۔
راولپنڈی کے علاقے انگنت پورہ کی رہائشی 70سالہ بیوہ رضیہ پروین اپنے ہی سگے بیٹے کے ظلم وستم سے پریشان ہے، رضیہ پروین نے بتایا کہ 18سال قبل ان کےشوہر کا انتقال ہوگیا تھا۔
ان کا کہنا تھا کہ بڑے بیٹے شعیب چوہدری کو والد نے اس کی نافرمانیوں کی وجہ سے گھر سے بےدخل کر دیا تھا اور جائیداد سے عاق کر دیا تھا میرا یہ بیٹا 18سال کے بعد جب میں بیمار ہوئی تو میری عیادت کےلئے گھر آیا ۔
رضیہ پروین نے کہا کہ جب تک باپ زندہ تھا یہ گھر نہیں آیا پھر اس نے گھر کے ایک حصے پر زبردستی قبضہ کر لیا اس کو متعلقہ تھانے کے ایک ایس آئی عارف کی آشیر باد حاصل ہے۔
انہوں نے کہا کہ میرا یہ بیٹا مجھے اور میری چھوٹی بیٹی کو پسٹل دیکھاکرہر وقت ہراساں کرتا ہے اور جان سے مارنے کی دھمکیاں بھی دیتا ہے جب میں اس ظلم کے خلاف سی پی او راولپنڈی احسن یونس کے پاس گئی تو انہوں نے متعلقہ ایس ایچ او فضل کو ہدایات جاری کیں۔
یہ بھی پڑھیں: کراچی میں ون وے کی خلاف ورزی پر 5 روز میں 20 ہزار 719 چالان