گوگل نیوز پر ہمیں فالو کریںپاکستان فلم اور ڈرامہ انڈسٹری کی معروف اداکارہ سوہائے علی ابڑو کی ترکی کی سڑک پر ڈانس کی ویڈیو سوشل میڈیا پر وائرل ہو رہی ہے، رواں سال اداکارہ فرسٹ کلاس کرکٹر شہزر محمد کے ساتھ رشتہ ازدواج میں منسلک ہوئی تھیں۔
معروف اداکارہ نے فوٹو اینڈ ویڈیو شیئرنگ ایپ انسٹاگرام اپنی ماضی کی ایک ویڈیو شیئر کی ہے، جس میں وہ پاکستان کے دوست ملک تُرکی میں موجود ہیں۔
View this post on Instagram
وائرل ہونے والی ویڈیو میں دیکھا جاسکتا ہے کہ سوہائے علی ابڑو تُرکی کی سڑک پر موجود ہیں جہاں وہاں کے مقامی آرٹسٹ اپنے ملک کا روایتی میوزک بجاتے ہوئے نظر آرہے ہیں۔
سڑک پر سوہائے سمیت کئی افراد موجود ہیں جو اُن فنکاروں کا میوزک سُن رہے ہیں اور اُنہیں خوب سراہ رہے ہیں۔ ایسے میں اداکارہ خود پر قابو نہ پاسکیں اور اُنہوں نے تُرکی کی روایتی موسیقی پر شاندار ڈانس کرنا شروع کردیا اور اُن کے ساتھ موجود معروف فوٹوگرافر اشنا خان بھی خود کو نہ روک سکے۔
سوہائے علی ابڑو کے ڈانس کو وہاں موجود مقامی افراد نے خوب پسند کیا اور تالیوں کی گونج میں اُن کی تعریف کی۔
یاد رہے کہ سوہائے علی ابڑو نے رواں سال مارچ کے مہینے میں شہزر محمد سے شادی کی تھی، شادی کی تقریب سادگی سے منعقد کی گئی تھی، شادی کی تقریب میں پاکستان کے معروف اداکار ہمایوں سعید سمیت شوبز اور کھیلوں کی دیگر اہم شخصیات نے شرکت کی تھی۔
یہ بھی پڑھیں : منال خان کا عروسی جوڑا کتنے کا تھا؟ قیمت نے سب کو چونکا دیا
