گوگل نیوز پر ہمیں فالو کریںسماجی کارکن کے متنازعہ پیغام پر سوشل میڈیا صارفین نے شدید ردِ عمل دیتے ہوئے ماروی سرمد کی گرفتاری کا مطالبہ کردیا ہے۔
سماجی رابطے کی ویب سائٹ ٹوئٹر پر اریسٹ ماروی سرمد 295 سی آج کا ٹاپ ٹرینڈ بنا ہوا ہے جس کے تحت سوشل میڈیا صارفین یہ مطالبہ کرتے دکھائی دیتے ہیں کہ ماروی سرمد کو آئینِ پاکستان کی دفعہ 295 سی کے تحت گرفتار کیا جائے کیونکہ وہ توہینِ رسالت کی مرتکب ہوئی ہیں۔
قبل ازیں ماروی سرمد نے ایک متنازعہ ٹویٹ کرتے ہوئے حضرت عیسیٰ علیہ السلام سے بلوچ قومیت منسوب کرنے کی کوشش کی جس پر بلوچ صارفین بھی خاموش نہ رہ سکے۔ اسد بلوچ نامی سوشل میڈیا صارف نے کہا کہ میں بھی بلوچ ہوں لیکن مجھے پاک فوج یا سیکورٹی فورسز سے کوئی مسئلہ نہیں۔
اسد بلوچ نے کہا کہ وہ بلوچ جنہیں پاک فوج سے مسئلہ ہے وہ بھارتی خفیہ ایجنسی (راء) کے ہاتھوں میں کھیل رہے ہیں۔ راء بلوچستان کو دوسرا بنگلہ دیش بنانا چاہتی ہے۔
I am also baloch i don't have even single problem with pakistan amry or security forces.Some of baloch that have any issues with our security forces are playing in RAW hands.RAW wants to convert balochistan into second Bangladesh. #ArrestMarviSirmed_295C pic.twitter.com/zKUJiOl16G
— Asad Baloch (@AsadBloach5) August 23, 2020
سوشل میڈیا صارفین کے نزدیک حضرت عیسیٰ علیہ السلام جیسے برگزیدہ پیغمبر کیلئے ایسے الفاظ توہینِ رسالت کے زمرے میں آتے ہیں۔ سوشل میڈیا پر ماروی سرمد کے خلاف اب تک پیغامات بھیجے گئے ہیں جن میں دفعہ 295 سی یعنی توہینِ رسالت ایکٹ کے تحت ماروی سرمد کی گرفتاری کا مطالبہ جاری ہے۔
محمد علی نامی سوشل میڈیا صارف نے کہا کہ ماروی سرمد کا بیان مکمل طور پر ناقابلِ قبول ہے۔ ہمارا میڈیا، پالیسی اور پاکستانی ادارے اِس وقت کہاں ہیں؟ ماروی سرمد کے خلاف آوازیں بند کیوں ہیں؟ انہوں نے ماروی سرمد کی گرفتاری کا مطالبہ بھی کیا۔
This is Truly Unacceptable!!❌
Where is our media now?
Where is our policy now?
Where are our Pakistani institutions now?
Now, why is everyone's voice suspended against it?Arrest this 2 takkay ki aurat????#ArrestMarviSirmed_295C pic.twitter.com/ftKUCIDO4U
— Muhammad Ali (@Notyour_alee) August 23, 2020
یہ بھی پڑھیں: خلیل الرحمان قمر اور ماروی سرمد کا ٹاکرا: ماہرہ خان خاموش نہ رہ سکیں
