جماعت اسلامی کے امیر سراج الحق کا کہنا ہے کہ انتخابات کے مسائل سپریم کورٹ اور اسٹیبلشمنٹ حل نہیں کرسکتے، اداروں کو انتخابات مسئلہ پر غیر جانبدار رہنا چاہیے۔

لوئر دیر میں تقریب سے خطاب میں انہوں نے کہا کہ پی ڈی ایم اور پیپلز پارٹی بھی قربانی دیں، قومی اور دو صوبوں کی اسمبلیاں تحلیل کریں، جماعت اسلامی ایک ہی روز انتخابات کے حق میں ہے، سیاسی جماعتیں ایک میز پرآجائیں اور ڈائیلاگ کا راستہ اختیار کریں۔

یہ بھی پڑھیں:

سراج الحق نے کہا کہ لوگ اب ججز کے چہروں سے پہچان جاتے کہ یہ فلاں پارٹی کا جج ہے، اعلیٰ عدلیہ سیاست دانوں کو اپنے مسائل خود حل کرنے کا موقع دے۔