وزیراعظم سے امیر جماعت اسلامی سراج الحق نے ملاقات کی جس میں موجودہ سیاسی صورتحال پر تبادلہ خیال کیا گیا۔

وزیراعظم محمد شہباز شریف سے سراج الحق نے تین رکنی وفد کے ہمراہ ملاقات کی۔ ملاقات میں ملک کی موجودہ سیاسی صورتحال پر تبادلہ خیال کیا گیا۔

ملاقات میں وفاقی وزیر برائے اکنامک افیئرز ڈویژن سردار ایاز صادق اور وفاقی وزیر برائے ریلوے و ہوا بازی خواجہ سعد رفیق بھی شریک تھے۔

یہ بھی پڑھیں:

ترجمان جماعت اسلامی قیصر شریف کے مطابق امیر جماعت اسلامی نے چند روز قبل سیاسی تناؤ کم کرنے کے لئے تمام پارٹیوں سے ملاقات کا اعلان کیا تھا۔ امیر جماعت اسلامی سراج الحق کی وزیراعظم سے ملاقات اسی سلسلے کی کڑی ہے۔