معروف گلوکار جواد احمد ایک بار پھر کورونا وائرس کاشکار

لاہور: پاکستان میں کورونا کی وباء نے ستاروں کو بھی لپیٹ میں لینا شروع کردیا، گلوکار جواد احمد ایک بار پھر کورونا وائرس کاشکار ہوگئے۔

گلوکار جواد احمد نے ایک ٹوئٹر پیغام میں کہا ہے کہ مجھےدوبارہ کوروناہوگیاہے،مجھےنہیں پتاکہ اس بارمیں بچتاہوں یانہیں۔

مجھےدوبارہ کروناہوگیاہے۔
مجھےنہیں پتاکہ اس بارمیں بچتاہوں یانہیں۔ہاں میرےپاس اتنےپیسےضرورہیں کہ بیماری بگڑنےپرمہنگاعلاج کراسکتاہوں مگرسچ تویہ ہےکہ جب میں اپنےہرطرف غربت،بےبسی،محرومی دیکھتاہوں توایسی دنیامیں فقط جیےچلےجانےکابھی اب مزانہیں۔
جنت میں جانےسےپہلےیہ دنیابدلناضروری ہے۔

— Jawad Ahmad (@jawadahmadone) April 6, 2021

ہاں میرے پاس اتنے پیسے ضرورہیں کہ بیماری بگڑنےپرمہنگاعلاج کراسکتاہوں مگرسچ تویہ ہےکہ جب میں اپنے ہرطرف غربت،بے بسی،محرومی دیکھتاہوں توایسی دنیامیں فقط جیے چلےجانے کابھی اب مزانہیں۔جنت میں جانےسے پہلےیہ دنیا بدلنا ضروری ہے۔

گلوکار نے اپنا گانا ہمیں تم سے پیارہے ڈاکٹروں ، نرسوں اور پیرامیڈیکل عملے کے نام کرکےکورونا وائرس کے مریضوں کا علاج کر نیوالے ڈاکٹروں اور پیرا میڈیکل اسٹاف کو خراج تحسین پیش کیا تھا۔

مزید پڑھیں:معروف گلوکارجواد احمد بھی کورونا وائرس میں مبتلا ہوگئے

انہوں نے شہریوں سے بھی درخواست کی تھی کہ وہ چھتوں پر سفید رنگ کے جھنڈے لہرائیں تاکہ ڈاکٹروں ، نرسوں اور پیرامیڈیکل عملے کیساتھ یکجہتی کا اظہار کیا جاسکے۔ انہوں نے مزید کہا تھا کہ اس مشکل وقت میں اور پوری قوم کورونا وائرس کے خلاف جنگ میں ان بہادر ڈاکٹروں ، پیرامیڈیکٹس اور نرسوں کو سلام پیش کرتی ہے۔