گوگل نیوز پر ہمیں فالو کریںکراچی: صوبے بھر میں سندھی ثقافت کے پرچار کیلئے سندھی ٹوپی اجرک ڈے آج منایا جا رہا ہے جس کا مقصد وادئ مہران کی روایتی ثقافت کو خراجِ تحسین پیش کرنا ہے۔
تفصیلات کے مطابق صوبہ سندھ کو باب الاسلام بھی کہا جاتا ہے کیونکہ یہی وہ خطہ ہے جہاں سے اسلام سابقہ برصغیر اور موجودہ پاک بھارت ممالک میں پھیلا۔ سندھ ہزاروں سال قدیم روایات کا امین صوبہ قرار دیا جاتا ہے۔
ہر سال سندھ سے تعلق رکھنے والے عوام کراچی، حیدر آباد، لاڑکانہ، سکھر اور صوبہ سندھ کے تمام شہروں میں سندھی ٹوپی، اجرک اور روایتی قمیض شلوار کا لباس زیبِ تن کرکے سندھی ثقافت سے محبت کا اظہار کرتے ہیں۔
آج سے ٹھیک 11 سال قبل 2009ء میں سندھی ٹوپی اجرک ڈے منانے کا آغاز کیا گیا جس کی مناسبت سے سندھ کے ساتھ ساتھ ملک کے دوسرے صوبوں میں بھی سندھی روایات سے محبت کا اظہار کیا جاتا ہے۔
چھوٹے چھوٹے ثقافتی جلسوں کی مدد سے سندھی عوام اپنی روایات اور ثقافت سے وابستگی کا اظہار کرتے ہیں۔ ریلیاں نکلتی ہیں، سندھی گانوں پر رقص کیا جاتا ہے اور لوک فنکار بھی فن کا مظاہرہ کرتے نظر آتے ہیں۔
یہ بھی پڑھیں: بینکوں کا عالمی دن اور پاکستان میں اسلامی بینکاری کا رجحان
