گوگل نیوز پر ہمیں فالو کریںکراچی: محکمہ داخلہ سندھ نے محرم الحرام سے متعلق کورونا وائرس ایس او پیز اور ضابطہ اخلاق جاری کردیا ہے۔
محکمہ داخلہ سندھ کی جانب سے جاری ہونے والے نوٹیفکیشن کے مطابق محرم الحرام کے دوران ہونے والی مجالس میں ماسک پہننا لازمی قرار دیا ہے۔
نوٹیفکیشن کے مطابق مجالس میں شرکت کے لیے زاکرین کو کورونا وائرس کی ایک خوراک لازمی لگوانا ہوگی۔
محکمہ داخلہ سندھ کے مطابق مجالس میں بچوں اور بزرگ افراد کے داخلے پر پابندی ہوگی، زاکرین ٹی وی پر مجالس کے دوران بھی کورونا کے باعث لوگوں کو گھروں پر رہنے کی تلقین کریں۔
یکم محرم الحرام سے مجالس کی جگہوں پر شرکا کی کورونا ویکسینیشن شروع کی جائے، مجالس کی جگہ کھلی اور کشادہ ہونا چاہیے، مجالس میں کورونا ایس او پی کے تحت 6 فٹ کا فاصلہ رکھنا ہوگا۔
نوٹیفکیشن کے مطابق مجلس میں محکمہ صحت کی ہیلپ ڈیسک قائم کرکے نزلہ زکام سمیت بخار کی صورت میں ایسے شہریوں کا داخلہ روکا جائے گا۔
یہ بھی پڑھیں : بانی پاکستان کے مجسمے کے سامنے بےباک فوٹو شوٹ، مقدمہ درج، ملزمان کی تلاش جاری
