گورنر سندھ عمران اسماعیل میں کورونا وائرس کی تصدیق

کراچی: گورنر سندھ عمران اسماعیل میں کورونا وائرس کی تصدیق ہوگئی ہے، اس حوالے سے گورنر سندھ عمران اسماعیل نے ٹوئٹ کرکے بتایا، انہوں نے کہا کہ کل میری والدہ آئیں تھیں اور ہم سب نے مل کر ایک ساتھ افطار کیا تھا۔

گورنر سندھ عمران اسماعیل نے کہا کہ مجھے گزشتہ رات ہی خود کو قرنطینہ کرلینا چاہئے تھا لیکن میں آج قرنطینہ میں گیا ہوں، انہوں نے کہا کہ میں جن جن لوگوں سے اس دوران ملا ہوں ان سب کو آگاہ کردیا ہے۔انہوں نے کہا کہ مجھے ہلکا سا بخار محسوس ہوا جس کے باعث میں نے ٹیسٹ کرایا جو مثبت آیا۔

I have just been tested Covid 19 positive, Allah Kareem inshallah will fight it out. @ImranKhanPTI thought us to fight out the most difficult in life and I believe this is nothing against what we r prepared for. May Allah give strength to fight this Pandemic inshallah.

— Imran Ismail (@ImranIsmailPTI) April 27, 2020

گورنر سندھ عمران اسماعیل کا کہنا تھا کہ انشاء اللہ ہم اس وباء سے لڑیں گے، اپنے سارے گھروالوں کے ٹیسٹ کرانے کے لئے کہہ دیا ہے اور جلد سب کے ٹیسٹ ہوجائیں گے۔

انہوں نے کہا کہ طبیعت بہتر ہے کوئی پریشانی کی بات نہیں ہے، اپنے سب چاہنے والوں سے دعا ئے صحت کی اپیل کرتا ہوں۔ انہوں نے کہا کہ عمران خان نے ہمیں مشکلات سے لڑنا سکھایا ہے۔