گوگل نیوز پر ہمیں فالو کریںکراچی: پاکستان تحریک انصاف کے رہنما و رکن سندھ اسمبلی خرم شیر زمان نے پی ٹی آئی رہنماء شہید حیدر سواتی کو ٹارگٹ کرنے کے واقعے پر سندھ حکومت پر برہمی کا اظہار کیا۔
انہوں نے کہا کہ سندھ حکومت کی بدانتظامی کی وجہ سے لوگ اپنے پیاروں کو کھو رہے ہیں۔ ایسا لگتا ہے جیسے بغاوت ہی پیپلز پارٹی کا علاج ہے۔
سندھ حکومت حیدر سواتی کے قتل کی ذمہ دار ہے۔ بدامنی پھیلاکر پیپلز پارٹی شہر میں خون ریزی کرانا چاہتی ہے۔
لینڈ گریبنگ سمیت کئی غیر قانونی عمل میں سندھ حکومت کے فرنٹ مین ملوث ہیں۔ غیر قانونی قبضوں کیخلاف حیدر سواتی اس سسٹم سے لڑرہا تھا۔ ہمارے ورکر کو غیر قانونی عمل کیخلاف جنگ لڑنے کی سزا دی گئی۔
سندھ میں ہر طرف مافیاز کا راج ہے، غیر قانونی عمل کو روکنے کے لئے آواز اٹھانے والے کی آواز کو ہمیشہ کے لئے خاموش کردیا جاتا ہے۔
سندھ حکومت نے صوبے کے عوام کو بے یار و مددگار چھوڑا ہوا ہے۔پاکستان تحریک انصاف ہر ظالم کے خلاف مظلوم کی آواز ہے۔
ہم کسی صورت سندھ کے عوام کو ان مافیاز کے رحم و کرم پر نہیں چھوڑ سکتے۔ تحریک انصاف حیدر سواتی کے اہل خانہ کے دکھ میں برابر کی شریک ہے اور انہیں انصاف دلانے کیلئے ہر فورم پر جائیگی۔
مزید پڑھیں: پیپلزپارٹی تمام پاکستانیوں کی نمائندہ جماعت ہے،بلاول بھٹو زرداری
