حکومت سندھ کا 6 ستمبر سے 9ویں سے 12ویں جماعت کے طلباء کو ویکسین لگانے کا فیصلہ

کراچی: سندھ حکومت نے 9ویں سے 12ویں جماعت کے طلباء کو 6 ستمبر سے صوبے بھر کے تمام نجی اور سرکاری اسکولز اور کالجوں میں کورونا وائرس کی ویکسین لگانے کا فیصلہ کیا ہے۔

پیر کے روز وزیر صحت سندھ ڈاکٹر عذرا پیچوہو کی زیر صدارت اہم اجلاس ہوا۔ اجلاس میں وزیر تعلیم سید سردار شاہ سمیت دیگر حکام بھی اجلاس میں شریک تھے۔

وزارت صحت کی جانب سے جاری ایک بیان میں کہا گیا ہے کہ مختلف اسکولوں اور کالجوں میں ویکسینیشن مہم میں 2ہزار 527 ٹیمیں حصہ لیں گی۔

Karachi (30-08-21): Minister for Health & Population Welfare, Dr. @AzraPechuho chaired a meeting with Minister of Education, Sardar Shah & the meeting detailed plans to vaccinate school children from grades 9 to 12 & targets approximately 1.4 million students #SindhHealth pic.twitter.com/9k5MJWSh8E

— Health, SW, PHE & RD Department, Sindh (@SindhHealthDpt) August 30, 2021

فیصلے کے مطابق نویں سے بارہویں جماعت 14 لاکھ 20 ہزار طلبا کو ویکسین دی جائے گی۔ بیان میں کہا گیا کہ ویکسینیشن پہلے ضلعی سطح پر شروع کی جائے گی اور بعد میں اسے تعلقہ کی سطح تک توسیع دی جائے گی۔

اس دوران وزیر صحت نے اسکولوں کی انتظامیہ کو ہدایت کی کہ وہ تعلیمی اداروں میں بچوں کو ویکسین لگانے کے لیے والدین کی رضامندی حاصل کریں۔