گوگل نیوز پر ہمیں فالو کریںکراچی :حکومت سندھ کی جانب سے مساجد میں باجماعت نماز جمعہ سے روکنے کیلئے جمعہ کے روز 12 سے 3 بجے تک کرفیو کا نفاذ ہوگیا، سندھ میں مکمل طور پر کاروبار زندگی منجمد ہونے کی وجہ سے شہری گھروں میں محصور ہوگئے ہیں ۔
دن 12 بجے سے سہ پہربجے تک سندھ مکمل طور پر بند رہے گا کیونکہ شہریوں کو باہر جانے سے روک دیا گیا ہے اور سڑکوں پر ٹریفک کی اجازت نہیں ہے،نمازیوں کو مساجد میں نماز جمعہ کی ادائیگی سے روکنے کیلئے فورسز حرکت میں آگئی ہیں۔
حکام نے کرفیو کی خلاف ورزی کرنے والوں کے خلاف کارروائی کا اعلان کیا ہے۔ لوگوں کو اس وبا سے بچنے کے لئے مساجد میں جمع ہونے سے روکنے کیلئے صوبائی حکومت نے گذشتہ جمعہ کو بھی یہی قوانین نافذ کیے تھے۔
مزید پڑھیں: کوئٹہ نے ڈاکٹرز نے کورونا سے بچاؤ کیلئے کرفیو کا مطالبہ کردیا
