کراچی سے روانہ ہونے والی سکھ یاتریوں کی خصوصی ٹرین کو پیر محل کے قریب حادثہ پیش آیا ہے، ٹرین کی بوگیاں پٹڑی سے اتر گئیں۔

سکھ یاتریوں کی اسپیشل ٹرین کی آٹھ بوگیاں پیر محل اور شورکوٹ کے درمیان پٹڑی سے اتریں، ٹرین حادثے میں کوئی زخمی اور جانی نقصان نہیں ہوا۔

یہ بھی پڑھیں:

ٹریک کو کلیئر کرنے کی کوششیں جاری ہیں، ٹرین میں موجود مسافروں کو پبلک ٹرانسپورٹ کے ذریعے پہنچایا جارہا ہے۔

ٹرین کی محفوظ بوگیاں مسافروں کو لے کر ننکانہ صاحب کی طرف روانہ ہوگئی ہیں۔

انتظامیہ کی جانب سے متاثرین میں کھانے پینے کی اشیاء تقسیم کی گئیں، ڈویژنل سپرنٹنڈنٹ موقع پر پہنچے اور ریلوے پٹڑی کا جائزہ لیا۔

اسسٹنٹ کمشنر پیرمحل عرفان مارٹن ، اسسٹنٹ کمشنر ٹوبہ ٹیک سنگھ عابد شبیر لغاری نے پبلک ٹرانسپورٹ مہیا کی جن کے ذریعے تمام سکھ یاتریوں کو ننکانہ صاحب منتقل کیا گیا۔