آئین کے مطابق بنیادی انسانی حقوق مہیا کرنا ریاست کا فرض ہے۔شیریں مزاری

اسلام آباد: وفاقی وزیر برائے انسانی حقوق ڈاکٹر شیریں مزاری نے کہا ہے کہ قانون کے مطابق بنیادی انسانی حقوق مہیا کرنا ریاست کا فرض ہے۔

سماجی رابطے کی ویب سائٹ ٹوئٹر پر اپنے پیغام میں سینئر صحافی مطیع اللہ جان کی بازیابی پر خوشی کا اظہار کرتے ہوئے وزیرِ انسانی حقوق شیریں مزاری نے کہا کہ اغواء کاروں کے اقدامات ہمارے آئین کے خلاف ہیں۔

وفاقی وزیر ڈاکٹر شیریں مزاری نے کہا کہ پاکستان عالمی معاہدوں کے تحت اپنے شہریوں کو تحفظ مہیا کرنے کا پابند ہے۔ شہری مسلسل خوف کے ماحول میں نہیں جی سکتے۔ بنیادی انسانی حقوق کی فراہمی ریاست کی ذمہ داری ہے۔ 

Glad to see @Matiullahjan919 free. Such actions are in violation of our Constitution & our int obligations under HR conventions Pak ratified. Citizens cannot live in a constant state of fear and due legal process is the right of all citizens in any democracy.

— Shireen Mazari (@ShireenMazari1) July 21, 2020

یاد رہے کہ اِس سے قبل شہر اقتدار سے اغواء ہونیوالے سینئر  صحافی مطیع اللہ جان کونامعلوم اغواء کا رفتح جنگ کے قریب چھوڑ گئے،صحافی مطیع اللہ جان گھر پہنچ گئے۔

سینئر صحافی مطیع اللہ جان اسلام آباد سے لاپتہ ہوگئے تھے جبکہ مطیع اللہ جان کی اہلیہ کے مطابق ان کے شوہر کی گاڑی جی سکس میں  گزشتہ روز ان کے اسکول کے پاس کھڑی پائی گئی۔

مزید پڑھیں: سینئر صحافی مطیع اللہ جان فتح جنگ سے بازیاب