گوگل نیوز پر ہمیں فالو کریںاسلام آباد: وفاقی وزیرِ موسمیاتی تبدیلی شیری رحمان نے کہا ہے کہ ہم عمران خان کی آصف زرداری پر جھوٹی اور من گھڑت الزام تراشی کسی صورت برداشت نہیں کریں گے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر شیری رحمان نے کہا کہ عمران خان کی جانب سے آصف علی زرداری پر جھوٹے اور من گھڑت الزام پر پیپلز پارٹی کے چاہنے والوں، عہدیداران اور کارکنان نے شدید غصے کا اظہار کیا۔
اسلام آباد میں 40 سے زائد فیڈرز میں فنی خرابی، بجلی معطل
عمران خان کی جانب سے آصف علی زرداری پر جھوٹے اور من گھڑت الزام پر پیپلز پارٹی کے چاہنے والوں، عہدیداران اور کارکنان نے شدید غصے کا اظہار کیا ہے۔ پیپلزپارٹی عمران خان کے خلاف قانونی کاروائی کا ارادہ رکھتی ہے۔ اس طرح کے الزام تراشی کو کسی بھی صورت میں برداشت نہیں کیا جائے گا۔ 1/4
— SenatorSherryRehman (@sherryrehman) January 30, 2023
ٹوئٹر پیغام میں شیری رحمان نے کہا کہ پیپلز پارٹی عمران خان کے خلاف قانونی کارروائی کا ارادہ رکھتی ہے۔ اس طرح کی الزام تراشی کو کسی بھی صورت میں برداشت نہیں کیا جائے گا۔ عمران خان عدالت میں ثبوت دیں یا اپنے جھوٹ پر آصف زرداری سے معافی مانگیں۔
وفاقی وزیر شیری رحمان نے کہا کہ عمران خان نے ہمیشہ دوسروں پر الزام تراشی کرکے سیاست میں رہنے کی کوشش کی۔ جس شخص نے آج تک شہید بی بی کے قتل کی مذمت نہیں کی، وہ آصف زرداری پر دہشت گرد تنظیم پر پیسہ لگانے کا الزام لگا رہا ہے۔
عمران خان اب عدالت میں ثبوت پیش کریں یا اپنے جھوٹ پر صدر زرداری سے معافی مانگے۔ انہوں نے ہمیشہ دوسروں پر الزام تراشی کرکے سیاست میں متعلقہ رہنے کی کوشش کی ہے۔ جس شخص نے آج تک شہید بی بی کے قتل کی مذمت نہیں کی وہ آصف زرداری پر دہشتگرد تنظیم پر پیسا لگانے کا الزام لاگا رہا ہے۔ 2/4
— SenatorSherryRehman (@sherryrehman) January 30, 2023
وزیرِ موسمیاتی تبدیلی شیری رحمان نے کہا کہ دہشت گرد تنظیموں کے اتحادی عمران خان خود ہیں۔ تاریخ گواہ ہے کہ پیپلز پارٹی ہمیشہ دہشت گرد تنظیموں کے سامنے دیوار بن کر کھڑی رہی ہے۔ ہم اس پارٹی سے تعلق رکھتے ہیں جس کی قائد نے سر عام دہشت گردوں کو چیلنج کیا۔
دہشتگرد تنظیموں کے اتحادی عمران خان خود ہیں۔ تاریخ گواہ ہے پیپلز پارٹی ہمیشہ دہشتگرد تنظیموں کے سامنے دیوار بن کر کھڑی رہی ہے۔ ہم اس پارٹی سے تعلق رکھتے ہیں جس کی قائد نے سرے عام دہشتگردوں کو چیلنج کیا، صدر زرداری نے شہید بی بی کے وعدے کے مطابق سوات میں پاکستان کا پرچم لہرایا۔3/4
— SenatorSherryRehman (@sherryrehman) January 30, 2023
شیری رحمان نے کہا کہ سابق صدر آصف زرداری نے شہید بی بی کے وعدے کے مطابق سوات میں پاکستان کا پرچم لہرایا۔ عمران خان کے الزامات اور جھوٹ کو ہر بار نظر انداز نہیں کیا جائے گا۔
انہوں نے کہا کہ عمران خان میڈیا کی شہ سرخیوں اور سیاست میں رہنے کیلئے متنازعہ بیانات دیتے ہیں۔ سیاست اور پارلیمنٹ سے نکلنے کے بعد عمران خان کے پاس متنازعہ بیانات کے سوا کوئی طریقہ نہیں بچا۔
