گوگل نیوز پر ہمیں فالو کریںاسلام آباد: پاکستان پیپلز پارٹی کی سینئر رہنما اور سینیٹر شیری رحمٰن نے کہا ہے کہ میں کورونا وائرس کے خلاف شعبۂ صحت کے کارکنان کو سلام پیش کرتی ہوں جنہوں نے اپنی جانوں کے نذرانے دینے سے بھی گریز نہ کیا۔
سماجی رابطے کی ویب سائٹ ٹوئٹر پر اپنے پیغام میں سینیٹر شیری رحمٰن نے کہا کہ کورونا وائرس کے پاکستان میں آغاز سے اب تک شعبۂ صحت سے تعلق رکھنے والے 72 کارکنان نے اپنی جانوں کے نذرانے پیش کیے جو ینگ ڈاکٹرز ایسوسی ایشن کے جاری کردہ اعدادوشمار ہیں۔
پیغام میں سینیٹر شیری رحمٰن نے کہا کہ صرف پنجاب میں 41 افراد نے شعبۂ صحت میں خدمات سرانجام دیتے ہوئے زندگی کا نذرانہ پیش کیا۔ میں ان کے عزم اور حوصلے کو سلام پیش کرتے ہوئے ان کے اہلِ خانہ کیلئے دعا گو ہوں۔
سینیٹر شیری رحمٰن نے کہا کہ میں یہ سوچے بغیر رہ نہیں سکتی کہ حکومت نے ہیلتھ سیکٹر کے ہیروز کو کوئی ہتھیار دئیے بغیر کورونا وائرس جیسی جان لیوا بیماری سے لڑنے کیلئے بھیج دیا۔
72 healthcare workers have died in Pakistan to date from Covid,say the Young Doctors Association. Of which, 41 are in Punjab alone.Salute to their courage, and prayers for their families. ???? Can’t help thinking, r these the heroes we sent out to fight a monster without a weapon?
— SenatorSherryRehman (@sherryrehman) June 29, 2020
