گوگل نیوز پر ہمیں فالو کریںراولپنڈی: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ عمران خان کو نااہل یا اُن کی پارٹی کو کالعدم قرار دینا آسان نہیں ہوگا۔
ٹوئٹر پر جاری اپنے پیغام میں شیخ رشید نے کہا کہ ساری منصوبہ بندی عمران خان کو دیوار سے لگانے کیلئے ہورہی ہے لیکن یہ دیوار پی ڈی ایم پر ہی گرے گی۔
ساری منصوبہ بندی عمران خان کودیوارسےلگانےکےلیےہورہی ہےلیکن یہ دیوارPDMپرہی گرےگی عمران خان اوراسکی پارٹی کونااہل یاکالعدم قراردیناآسان نہیں ہوگاپاکستان پہلے ہی تہناہوچکاہےروپےکی قدرکم ترین سطح پرآ گئی ہےمعاشی مشکلات میں خوفناک اضافہ ہوگیاہےIMFاورغیرملکی امداد دونوں دور ہیں
— Sheikh Rashid Ahmed (@ShkhRasheed) March 22, 2023
ٹوئٹر پیغام میں اُن کا کہنا تھا کہ پاکستان پہلے ہی تنہا ہوچکا ہے، روپے کی قدر کم ترین سطح پر آچکی، معاشی مشکلات میں خوفناک اضافہ ہوگیا ہے جبکہ آئی ایم ایف اور غیر ملکی امداد دونوں دور ہیں، آج مشترکہ اجلاس میں حکومت اپنے سے بڑی قرار داد لائے گی تو مزید اضطراب اور تشویش میں مبتلا ہو جائے گی کیونکہ وہ عوام میں جانے کے قابل نہیں رہی۔
شیخ رشید نے مزید کہا کہ 25 مارچ ہفتے کی رات نماز تراویح کے بعد مینار پاکستان لاہور میں جلسہ ہوگا، آخری فیصلہ سپریم کورٹ کے پاس ہے، الیکشن ہوں گے یا جوڈو کراٹے ہوں گے، ملک کی بقا الیکشن میں ہے۔
