گوگل نیوز پر ہمیں فالو کریںراولپنڈی: سابق وفاقی وزیرِ داخلہ شیخ رشید احمد نے کہا ہے کہ آئی ایم ایف سے معاہدہ نہیں ہوسکا، حکومت معاشی ایمرجنسی لگانا چاہتی ہے۔ پاکستان میں سقوطِ معیشت ہوچکا ہے۔
سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ پاکستان میں سقوطِ معیشت ہوچکا ہے۔ بلوم برگ نے کہا کہ پاکستان ڈیفالٹ ہونے والا ہے۔ 50 فیصد ٹیکسٹائل فیکٹریاں بند اور 11 فیصد ترسیلاتِ زر کم ہوگئی ہیں۔
ٹوئٹر پیغام میں شیخ رشید نے کہا کہ مہنگائی 50 فیصد زیادہ ہوئی، ڈیجیٹل اکاؤنٹ لاپتہ ہو گئے، 10 لاکھ افراد بے روزگار جبکہ 1 کروڑ افراد غربت کی لکیر سے نیچے ہیں۔ غیر ملکی کمپنیاں ملک چھوڑ رہی ہیں۔ 5ڈالر خیرات نہیں مل رہی، یہ بے مقصد غیر ملکی دوروں پر ہیں۔
پیغام میں سابق وزیرِ داخلہ نے کہا کہ آئی ایم ایف سے معاہدہ نہیں ہوسکا۔ یہ معاشی ایمرجنسی لگانا چاہتے ہیں۔ ضرورت الیکشن ایمرجنسی کی ہے۔ غربت کے مارے چوک چوراہے میں لوٹ مار کر رہے ہیں۔ مشکلات میں لیڈر عوام میں ہوتے ہیں، ملک سے باہر نہیں۔
عوامی لیگ کے سربراہ نے کہا کہ سیاست کیلئے ریاست کو داؤ پر لگا دیا گیا ہے۔ حکومت بے گناہ کارکنان کو رات کو گھروں سے اٹھا رہی ہے۔ ایک طرف معاشی خودمختاری داؤ پر لگا دی ہے جبکہ دوسری جانب عوام کو غربت کے سمندر میں ڈبو دیا ہے۔
آئی ایم ایف سےمعائدہ نہیں ہوسکایہ معاشی ایمرجنسی لگاناچاہتےہیں ضرورت الیکشن ایمرجنسی کی ہےغربت کےمارےچوک چوراہےمیں لوٹ مارکررہےہیں مشکلات اورآفات میں لیڈر اپنی عوام میں ہوتےہیں ملک سےباہرنہیں ہوتےسیاست کےلئےریاست کوداؤپرلگادیاہے حکومت بےگناہ ورکروں کورات کوگھروں سےاٹھارہی ہے
— Sheikh Rashid Ahmed (@ShkhRasheed) June 15, 2023
سابق وفاقی وزیر شیخ رشید احمد نے کہا کہ ساری سیاسی نااہلی اور ناکامی حکومت کی ہے، اب ملبہ کسی اور پر ڈالا جارہا ہے۔ ادارے اور عدلیہ سے اپیل ہے کیرم بورڈ حکومت کو الیکشن پر مجبور کریں۔ ورنہ نہ رہے گا بانس، نہ بجے گی بانسری، ٹرین چھوٹ جائے گی۔
ایک طرف معاشی خودمختاری داؤپرلگادی دوسری طرف عوام کوغربت کےسمندر میں ڈبودیاساری سیاسی نااہلی ناکامی حکومت کی ہےاب ملبہ کسی اورپرڈال رہی ہےمیں اداروں اورعدلیہ سےاپیل کرتا ہوں کیرم بورڈحکومت کو الیکشن کیطرف جانےپرمجبورکریں ورنہ نہ رہےگابانس نہ بجےگی بانسری ٹرین چھوٹ جائے گی
— Sheikh Rashid Ahmed (@ShkhRasheed) June 15, 2023
