بلاول نے شہبازشریف کے جہاز میں سمرقند جانا پسند نہیں کیا۔شیخ رشید کا انکشاف

اسلام آباد: سابق وزیرِ داخلہ شیخ رشید احمد نے انکشاف کیا ہے کہ وزیرِ خارجہ بلاول بھٹو زرداری نے مبینہ باہمی اختلاف کے باعث وزیر اعظم شہباز شریف کے جہاز میں  سمرقند جانا پسند نہیں کیا۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ پیپلز پارٹی اور شہباز شریف کے مابین تعیناتی کا مسئلہ اصل اہمیت اختیار کرگیا ہے جبکہ عمران خان خوبصورت سوئنگ کراکے الگ ہو گئے۔

یہ بھی پڑھیں:

اسمبلی کی مدت میں صدر کی منظوری کے بغیر اضافہ نہیں ہوسکتا، شیخ رشید

ٹوئٹر پیغام میں سابق وزیرِ داخلہ شیخ رشید نے حکومت پر تنقید کرتے ہوئے کہا کہ بلاول بھٹو زرداری نے شہباز شریف کے جہاز میں سمرقند جانا بھی پسند نہیں کیا۔ پسِ پردہ مفاہمتی کوششیں 15 اکتوبر تک کامیاب ہوسکتی ہیں ورنہ سڑکوں پر جوڈو کراٹے ہوں گے۔

اصل تعیناتی کامسئلہPPPاورشہبازمیں پڑگیاہے۔عمران خان خوبصورت سوینگ کراکےالگ ہوگیاہے۔بلاول نےشہبازکےجہازمیں ثمرقندجانابھی پسندنہیں کیا۔پس پردہ مفاہمتی کوششیں15اکتوبرتک کامیاب ہوسکتی ہیں ورنہ سڑکوں پرجوڈوکراٹےہونگے۔MQMکی سیاست اسکےگلےپڑ گئی ہے۔وقت پرفیصلےنہ ہوں تووقت انتظارنہیں کرتا

— Sheikh Rashid Ahmed (@ShkhRasheed) September 16, 2022

سابق وزیرِ داخلہ شیخ رشید احمد نے حکومت کی اتحادی جماعت متحدہ قومی موومنٹ (پاکستان) پر بھی تنقید کے نشتر برساتے ہوئے کہا کہ ایم کیو ایم کی سیاست اس کے گلے پڑ گئی ہے۔ وقت پر فیصلے نہ ہوں تو وقت انتظار نہیں کرتا۔ 

خیال رہے کہ اس سے قبل عوامی لیگ کے سربراہ شیخ رشید احمد نے کہا کہ اسمبلی کی مدت میں صدر کی منظوری کے بغیر اضافہ نہیں ہوسکتا۔

آج سے 2 روز قبل ٹوئٹر پر اپنے پیغام میں سابق وزیر داخلہ شیخ رشید نے  حکومت کی پالیسیوں پر کڑی تنقید کرتے ہوئے کہا کہ 70وزراء، 240 کا ڈالر، 4000 من آٹا،غریب کی مزید بربادی ہے۔