گوگل نیوز پر ہمیں فالو کریںاسلام آباد: سابق وزیر داخلہ شیخ رشید نے بدھ کے روز کہا کہ سابق وزیراعظم عمران خان کی جان کو خطرہ ہے اور کچھ غیر ملکی قوتیں انہیں مارنے کی کوشش کر سکتی ہیں۔
سابق وزیر شیخ رشید نے پریس کانفرنس سے خطاب کرتے ہوئے کہا کہ عمران خان بیرونی دباؤ کے سامنے ڈٹ گئے ہیں،اس لیے انہیں خدشہ ہے کہ کچھ غیر ملکی قوتیں انہیں مارنے کی کوشش کر سکتی ہیں کیونکہ پی ٹی آئی کے سربراہ ملک کے کئی شہروں میں جلسے کرنے والے ہیں۔
شیخ رشید نے عمران خان کے ساتھ کھڑے ہونے کے اپنے عہد کو دہرایا اور کہا کہ وہ بھی ”امپورٹڈ حکومت” کے ساتھ اسمبلیوں میں نہیں بیٹھنا چاہتے اس لیے پی ٹی آئی کے ایم این ایز کی طرح انہوں نے بھی اپنا استعفیٰ عمران خان کو بھجوا دیا ہے۔
شیخ رشید نے مزید کہا کہ سابق وزیر اعظم کو اسلام آباد میں احتجاج کی کال نہیں دینی چاہیے کیونکہ انہیں قتل یا جیل میں ڈالاجا سکتا ہے۔
شیخ رشید نے کہا کہ جس دن یہ استعفے منظور ہو جائیں گے میرا استعفیٰ پہلا ہو گا۔
سابق وزیر داخلہ کا کہنا تھا کہ عمران خان کو اقتدار سے ہٹانے کے بعد جس قدر عوامی پذیرائی مل رہی ہے یہ دیکھ کر وہ حیران ہیں اور پارٹی کے کراچی جلسے میں بھی شرکت کریں گے۔
مزید پڑھیں: سابق معاون خصوصی شہباز گل عمران خان کے چیف آف اسٹاف مقرر
