گوگل نیوز پر ہمیں فالو کریںراولپنڈی: وفاقی وزیر ریلوے شیخ رشید نے سیاحت کے فروغ کے لیے اہم اقدام اٹھاتے ہوئے 100 سال پرانی اسٹیم انجن ٹرین چلادی،افتتاح کے بعد پہلے سفر میں اسٹیم سفاری ٹرین راولپنڈی ریلوے اسٹیشن سے اٹک کے لیے روانہ ہوگی۔ اس سفر میں جرمنی، اٹلی، برطانیہ، جاپان، آسٹریلیا کے بلاگرز شامل ہیں۔
اس موقع پر میڈیا سے گفتگو کرتے ہوئے شیخ رشید کا کہنا تھا کہ 100سال پرانے اسٹیم انجن بحال کیے جارہے ہیں، تمام ممالک کا شکریہ جنہوں نے پاکستان ریلوے کی اسٹیم انجن کی بحالی میں مدد کی۔
شیخ رشید کا کہنا تھا بطور وزیر میں اسٹیم انجن لورز کو ویلکم کرتا ہوں۔ یہ اسٹیم انجن پارٹیشن سے پہلے کے ہیں۔ ہم نے فیصلہ کیا ہے 100 سال پرانےاسٹیم انجن کو قابل استعمال بنائیں گے۔ انہوں نے کہا میں آسٹریا، اٹلی اور جاپان کے لوگوں کا بھی شکریہ ادا کرتا ہوں۔
سفاری ٹرین کے افتتاح کے موقع پر وفاقی وزیر ریلوے شیخ رشید کا میڈیا سے گفتگو میں کہنا تھا کہ پاکستان کی سیاست میں خوشگوار دور آنا والا ہے، نواز شریف علاج کی غرض سے باہر جانا نہ ڈیل ہے اور نہ ڈھیل ہے، شریف خاندان سعودی عرب جاتے وقت حمزہ شہباز کو ضمانت پر رکھ کر گیاتھا۔
یہ بھی پڑھیں: نواز شریف کے ای سی ایل کا فیصلہ حکومت اور (ن) لیگ دونوں کیلئے بہتر ہے، شیخ رشید
