حکومت ناکام ہوگئی، اکیلا عمران خان عوام کے دلوں پر چھا گیا، شیخ رشید

لاہور: عوامی مسلم لیگ کے سربراہ شیخ رشید نے کہا کہ حکومت عوام کے دلوں سے گرگئی اور اکیلا عمران خان عوام کے دلوں پر چھا گیا ہے۔

سماجی رابطے کی ویب سائٹ ٹوئٹر پر اپنے پیغام میں سابق وزیرِ داخلہ شیخ رشید نے کہا اگر شام سات بجے مارکیٹیں اور دکانیں بند کی گئیں تو دکاندار بھی بھوکے مریں گے، معاشی تباہی کا سہرا امپورٹڈ حکومت کے سر جاتا ہے۔

وزیر خزانہ مہنگائی کا چوتھا ٹیکہ لگانے والے ہیں۔ڈالر 210 پر اور حوالہ 220 پر آ گیا ہے۔جس دن ان کے کیس ختم ہو گئے یہ الیکشن کی طرف جائیں گے۔ایک درجن جماعتیں عوام کی نظروں سے گر گئی ہیں۔اکیلا عمران خان عوام کے دلوں پر چھا گیا ہے۔لندن خفیہ معاہدے کے تحت نواز شریف پاکستان نہیں آ رہے

— Sheikh Rashid Ahmed (@ShkhRasheed) June 17, 2022

شیخ رشید کا کہنا تھا کہ امریکی ایمبیسڈر آچکا ہے اور چینی ایمبیسڈر جا چکا ہے جبکہ ہندوستان میں مسلمانوں کے گھر گرائے جارہے ہیں اور امپورٹڈ حکومت ہندوستان سے تجارت کرنے جارہی ہے۔

یہ بھی پڑھیں:

پاکستان کیلئے ایف اے ٹی ایف کی گرے لسٹ سے نکلنا کتنا ضروری ہے

انہوں نے کہا کہ جس دن ان کے کیس ختم ہوگئے یہ الیکشن کی طرف جائیں گے، ایک درجن جماعتیں عوام کی نظروں سے گر گئی ہیں اور اکیلا عمران خان عوام کے دلوں پر چھا گیا ہے۔

سابق وزیرِ داخلہ کا کہنا تھا کہ امپورٹڈ حکومت مفاد پرستوں کا دوسرا نام ہے، یہ چوروں کی بیٹھک سجائی گئی ہے جس کو عوام میں کوئی پذیرائی حاصل نہی، یہ ایک درجن پارٹیاں اپنی سیاسی قبر خود کھود رہی ہیں اور عوام ان کے چہرے دیکھ کر ٹی وی چینل بدل دیتے ہیں۔

انہوں نے انکشاف کیا کہ لندن خفیہ معاہدے کے تحت نواز شریف پاکستان نہیں آ رہے۔اُن کا یہ بھی کہناتھاکہ اتوار کی شام 9بجے سابق وزیراعظم عمران خان کی کال پر لال حویلی ان کا خطاب سنیں گے۔