اوورسیر پاکستانیوں کو سیاست اور ووٹ سے دور رکھنا قومی بددیانتی ہے، شیخ رشید

راولپنڈی: سابق وفاقی وزیر اور عوامی مسلم لیگ کے سربراہ شیخ رشید کا کہنا ہے کہ اوورسیر پاکستانیوں کو سیاست اور ووٹ سے دور رکھنا قومی بددیانتی ہے۔

سماجی رابطے کی ویب سائٹ ٹوئٹر پر اپنے جاری کردہ پیغام میں سابق وفاقی وزیر داخلہ شیخ رشید نے کہا کہ بہت جلد صدر حکومت سے اعتماد کے ووٹ کے لیے کہے گا، 1 ووٹ کی اکثریت پر قائم حکومت کسی وقت بھی دھڑم سے گرجائے گی۔

#امپورٹڈ_حکومت_نامنظور pic.twitter.com/k5CMkZkf3P

— Sheikh Rashid Ahmed (@ShkhRasheed) May 30, 2022

سابق وفاقی وزیر نے کہا کہ ایک ووٹ کی اکثریت صرف غلامی کے سامراجی فیصلوں پر عمل در آمد کے لیے دی گئی ہے اور 1 ووٹ کی اکثریت والی حکومت 22 کروڑ لوگوں کی ترجمانی نہیں کرسکتی۔

یہ بھی پڑھیں:

حکومت نے منکی پاکس سے نمٹنے کیلئے ہائی الرٹ جاری کردیا

شیخ رشید کا کہنا تھا کہ اب حکومت کا مسئلہ 8 سے 12 گھنٹے لوڈ شیڈنگ نہیں ہے بلکہ اپنے کیس نیب، ایف آئی اے اور اے این ایف سے ختم کروانا ہے، جس پر تیزی سے کام ہو رہا ہے۔

انہوں نے مہنگائی کے حوالے سے پیش گوئی کرتے ہوئے کہا کہ ابھی پٹرول اور بجلی میں اضافے کی پہلی قسط آئی ہے، 5 سے 25 جون تک دوسری قسط بھی آجائے گی لوگ خود سڑکوں پر آئینگے اور غلامی کی زنجیریں توڑیں گے۔

سابق وفاقی وزیر اور عوامی مسلم لیگ کے سربراہ شیخ رشید کا کہنا ہے کہ جو شہباز شریف 50 روپے عدالتی اسٹامپ کی گارنٹی پر 4 سال میں اپنے بھائی کو واپس نہ لا سکا وہ قوم کو کیا دے گا۔

انہوں نے مزید کہاکہ اوورسیر پاکستانیوں کو سیاست اور ووٹ سے دور رکھنا قومی بددیانتی ہے، ان کے حق کے لیے میں سپریم کورٹ جارہا ہوں۔