گوگل نیوز پر ہمیں فالو کریںکراچی: پاکستان کی نوجوان اور ابھرتی ہوئی اداکارہ شہزین راحت نے حال ہی میں شادی کے بندھن میں بندھنے کے بعد اپنی خوبصورت تصاویر شیئر کی ہیں۔
سماجی رابطے اور فوٹو شیئرنگ پلیٹ فارم انسٹا گرام پر شہزین راحت کی شادی سے متعلق تصاویر اور ویڈیوز وائرل ہو رہی ہیں جن میں اداکارہ کو نکاح نامے پر دستخط کرتے ہوئے دیکھا جاسکتا ہے۔
پاکستانی ڈرامہ کیسا ہے نصیبا میں اداکاری کے جوہر دکھانے والی شہزین راحت نے سرخ و سفید عروسی جوڑا زیبِ تن کر رکھا ہے۔ اپنے اہلِ خانہ اور دوستوں کے ہمراہ شادی کی تقریب میں شہزین راحت خوشگوار موڈ میں نظر آئیں۔
تم ہو وجہ اور کہانی سمیت دیگر ڈراموں میں سپورٹنگ کرداروں میں جلوہ گر ہونے والی شہزین راحت نے اداکاری کے فن سے مداحوں کو محظوظ کیا جن کی شادی پر مداحوں نے انہیں تہنیتی پیغامات ارسال کیے۔
View this post on Instagram
کیسا ہے نصیبا کے علاوہ شہزین راحت نے نصیبوں جلی، جیٹھانی، گھائل اور دیگر ڈراموں میں کام کرکے مداحوں سے خوب داد وصول کی۔ شادی کی تصاویر میں شہزین راحت کو بے حد خوش و خرم دیکھا جاسکتا ہے۔
اداکارہ شہزین راحت نے شعیب لاشاری سے شادی کی ہے اور اپنے انسٹاگرام اکاؤنٹ پر نوبیاہتا جوڑے کی متعدد تصاویر شیئر کی ہیں جس پر مداحوں نے خوشی کا اظہار کرتے ہوئے شہزین راحت اور شعیب لاشاری کو نئی زندگی کیلئے نیک تمناؤں کا تحفہ دیا۔
View this post on Instagram
سب سے آخری بار شہزین راحت کو ڈرامہ سیریل تم ہو وجہ میں دیکھا گیا جس میں انہوں نے اداکاری کے جوہر دکھا کر مداحوں کے دل جیت لیے تھے۔ شہزین راحت کو ڈرامہ انڈسٹری کی قابلِ قدر اداکاراؤں میں شمار کیا جاتا ہے۔
یہ بھی پڑھیں: کرن جوہر کارتک آریان سے ناراض، فلم دوستانہ 2سے نکال دیا
