گوگل نیوز پر ہمیں فالو کریںاسلام آباد: قومی اسمبلی کے اجلاس کی کارروائی جاری ہے، جبکہ وزیراعظم عمران خان کیخلاف اپوزیشن لیڈر شہباز شریف نے تحریک عدم اعتماد پیش کردی ہے۔
آج جب اجلاس شروع ہوا تو اسمبلی اجلاس کے ایجنڈے میں وزیراعظم عمران خان کے خلاف عدم اعتماد کی تحریک بھی شامل تھی جو ڈپٹی اسپیکر قاسم سوری کی اجازت کے بعد ایوان میں پیش کردی گئی۔
قومی اسمبلی کا اجلاس ڈپٹی اسپیکر قاسم سوری کی زیر صدارت شروع ہوا ہے۔ حکومتی اتحادیوں یا پاکستان تحریک انصاف کے منحرف ارکان میں سے کوئی اس وقت ایوان میں موجود نہیں۔
اپوزیشن اتحاد کی جانب سے وزیراعظم عمران خان کے خلاف تحریک عدم اعتماد کی قرارداد جمع کرادی ہے اور اپوزیشن کی جانب سے اس بات کا دعویٰ کیا جارہا ہے کہ ان کے پاس مطلوبہ اراکین سے زیادہ تعداد ہے جس کے باعث عدم اعتماد کی کامیابی یقینی ہے۔
دوسری جانب پاکستان تحریک انصاف کی زیر قیادت حکومت کا بھی دعویٰ ہے کہ وہ عدم اعتماد کی تحریک میں اپوزیشن کو شکست دے کر سرخرو ہوگی۔
واضح رہے کہ ایوان میں حکومتی جماعت تحریک انصاف کے 178 ارکان ہیں جبکہ اپوزیشن ارکان کی تعداد 163 ہے تاہم اپوزیشن نے اکثریت یعنی 172 سے زائد ارکان کی حمایت کا دعویٰ کررکھا ہے۔جبکہ آج ایوان میں وزیر اعظم عمران خان کے خلاف قرار داد پیش کردی گئی ہے۔
مزید پڑھیں: وزیر اعظم کی جانب سے سامنے لائے گئے خط کا علم نہیں، شیخ رشید
