پی ای سی ایچ ایس میں رفاعی پلاٹ پرغیر قانونی تعمیرات گرانے کا حکم

کراچی:سندھ ہائی کورٹ نے پی ای سی ایچ ایس بلاک 2 میں رفاعی پلاٹ پرغیر قانونی تعمیرات 7روز میں گرانے کا حکم دے دیا۔

منگل کوسندھ ہائی کورٹ میں جسٹس عرفان سعادت خان اور جسٹس محمد فیصل کمال عالم پر مشتمل دو رکنی بینچ نے گرڈ اسٹیشن کے اطراف غیر قانونی تعمیرات کیخلاف کے الیکٹرک کی درخواست پر سماعت کی۔

عدالت نے ایس بی سی اے افسر پر برہمی کا اظہار کرتے ہوئے کہا کہ مکمل انہدام کا حکم تھا آپ ایک دیوار گرا کر آگئے۔ جسٹس عرفان سعادت خان نے ریمارکس دیئے رفاعی پلاٹ پر کوئی تعمیرات برداشت نہیں کریں گے۔

مزید پڑھیں:سندھ حکومت کا سپاہی سے اے ایس آئی تک پولیس اہلکاروں کی تنخواہیں بڑھانے کا فیصلہ

عدالت نے 3 منزلہ عمارت گرا کر 7 روز میں رپورٹ پیش کرنے کا حکم دیدیا۔ عدالت نے آئندہ سماعت پر پی ای سی ایچ ایس کے سیکرٹری کو بھی پیش ہونے کا حکم دیا ئے۔

دائر درخواست میں موقف اپنایا گیا تھا کہ گورنمنٹ گرلز ہائی اسکول سے متصل کے الیکٹرک کا گرڈ اسٹیشن ہے۔ گرڈ اسٹیشن کے قریب تعمیرات انتہائی خطرناک ہیں۔

تعمیرات سے گرڈ اسٹیشن کو شدید خطرات ہیں۔ گورنمنٹ گرلز ہائی اسکول پلاٹ پر تعمیرات کو فوری ختم کرایا جائے۔