چینی اور گندم کا بحران خود سلیکٹڈ حکومت نے پیدا کیا،شازیہ مری

اسلام آباد :سیکریٹری اطلاعات پیپلز پارٹی پارلیمنٹرینز شازیہ مری نے کہا ہے کہ چینی اور گندم کا بحران خود سلیکٹڈ حکومت نے پیدا کیا،مشیر خزانہ کا بیان مضحکہ خیز اور سفید جھوٹ ہے۔

اپنے بیان میں شازیہ مری نے کہاکہ مشیر خزانہ نالائق وزیر اعظم کی نااہلی پر پردہ ڈال رہے ہیں، مشیر خزانہ کورونا کا بہانا بناکر مہنگائی کے حوالے سے تاویلیں نہ گھڑیں۔

اپنے بیان میں انہوں نے کہاکہ سلیکٹڈ حکومت نے چینی اور گندم کا بحران خود پیدا کیا ،سستی چینی اور گندم ایکسپورٹ کرکے امپورٹ کی گئی ۔ انہوں نے کہاکہ زرعی ملک میں چینی اور گندم کا مہنگا ہونا حکومت کی نالائقی ہے۔

مزید پڑھیں:حکومت آٹا، گھی، چینی اور دالوں پر کیش سبسڈی دیگی، شوکت ترین

شازیہ مری نے طنز کیا کہ ترین صاحب کیا پیٹرول۔گیس اور بجلی کی قیمتوں کا تعین بھی کورونا کر رہی ، شازیہ مری نے سوال اٹھایاکہ کیا ایل این جی کی خریداری میں تاخیر میں بھی کورونا رکاوٹ تھی ؟۔

انسانی زندگی بچانے والی ادویات کے مہنگے ہونے کا کورونا سے کیا تعلق ہے ۔ انہوں نے شازیہ مری پر تنقید کرتے ہوئے کہاکہ سرکاری ملازمین کی تنخواہیں اور پنشن میں اضافہ نہ کرنے میں بھی کورونا کا قصور ہے۔

انہوں نے کہاکہ ترین صاحب آپ خود کہتے ہیں کہ نیب کے خلاف بات کرنے پر نوٹس آتا ہے ،صدر آصف علی زرداری نے سچ کہا تھا نیب اور ملک کی معیشت ساتھ نہیں چل سکتے۔