گوگل نیوز پر ہمیں فالو کریںکراچی: گرینڈ ڈیموکریٹک الائنس (جی ڈی اے) کی رکنِ سندھ اسمبلی نصرت سحر عباسی نے کہا ہے کہ شرجیل میمن کی سالگرہ پر ان کی بیگم نے انہیں گھر گفٹ کردیا، دعا کرتی ہوں کہ اللہ سب بیویوں کو ایسی ہی توفیق دے۔
سماجی رابطے کی ویب سائٹ ٹوئٹر پر اپنے پیغام میں رکنِ سندھ اسمبلی نصرت سحر عباسی نے کہا کہ سندھ کے سابق صوبائی وزیر شرجیل میمن کی بیگم نے انہیں سالگرہ کے موقعے پر گھر کا تحفہ دیا۔رکنِ اسمبلی نے سالگرہ کا تحفہ دینے کی ویڈیو بھی شیئر کی۔
رکنِ سندھ اسمبلی نصرت سحر عباسی نے کہا کہ اللہ پاک ساری بیویوں کو توفیق عطا فرمائے کہ وہ اپنے شوہروں کی سالگرہ پر اتنا قیمتی تحفہ دے سکیں مگر حق حلال کی کمائی سے جبکہ پیغام میں نصرت سحر عباسی نے مسلم لیگ، پیپلز پارٹی، وفاقی وزیر مراد سعید اور ڈی جی آئی ایس پی آر کو ٹیگ بھی کیا۔
*شرجیل میمن کی بیگم انہیں سالگرہ کے تحفے میں گھر گفٹ کرتے ہوئے۔*
*اللہ پاک ساری بیویوں کو توفیق عطا کرے کہ وہ اپنے شوھروں کی سالگرہ پر اتنا قیمتی تحفہ دے سکیں مگر حق حلال کی کمائی سے@BBhuttoZardari@Media_Cell_Pmlf @ARYNEWSOFFICIAL @OfficialDGISPR @MuradSaeedPTI pic.twitter.com/86PC6VvKTs— Nusrat Sehar Abbasi (@nsabbasiOff) June 23, 2020
