گوگل نیوز پر ہمیں فالو کریںسڈنی: آسٹریلیا کے سابق آل راؤنڈر شین واٹسن نے پاکستان سپر لیگ اور آئی پی ایل کو اپنے ملک میں کھیلی جانے والی بگ بیش سے کہیں زیادہ بہتر قرار دے دیا۔
شین واٹسن نے اپنے ایک بلاگ میں لکھاکہ پی ایس ایل اور انڈین لیگ میں جس ایک چیز پر سب سے زیادہ توجہ دی جاتی ہے وہ کرکٹ کی کوالٹی ہے۔
وہ جانتے ہیں کہ اگر ایونٹ کا معیار اچھا ہوا تو وہ لمبے عرصے چلے گا اور کمرشل ویلیو میں بھی اضافہ ہوگا، ان دونوں ایونٹس میں کرکٹ کے معیار پر بہت زیادہ توجہ دی جاتی ہے۔
اس کے برعکس بگ بیش میں کرکٹ کی کوالٹی ترجیحات میں دکھائی نہیں دیتی بلکہ اس میں انٹرٹینمنٹ پر زیادہ توجہ دی جاتی ہے۔
واضح رہے کہ آسٹریلیاں کے مایہ ناز بلے باز شین واٹسن نے ریٹائرمنٹ کے باوجود اگلے سے پی ایس ایل کھیلنے کے لئے حامی بھرلی ہے، اس حوالے سے ان کا کہنا تھا کہ میں پی ایس ایل کھیلنے کے لئے پاکستان آؤں گا۔
مزید پڑھیں:کابل میں معصوم بچوں اور عورتوں پر حملہ ظلم ہے، شاہد آفریدی کی مذمت
