گوگل نیوز پر ہمیں فالو کریںپاکستان کے مشہورومعروف اسنوکر کے کھلاڑی شہرام چنگیزی امریکی اوپن 9 بال پول چیمپین شپ میں شرکت کرے والے واپہلے پاکستانی بن گئے ہیں۔
تفصیلات کے مطابق شہرام چنگیزی نے اسنوکر کی دنیا میں نمایاں کامیابیاں حاصل کی ہیں اور اب یو ایس اوپن 9 بال پول چیمپین شپ میں شرکت کرنے والے پہلے پاکستانی کا اعزاز بھی حاصل کر لیا۔
امریکی اوپن 9 بال پول چیمپین شپ میں عامی پروفیشنل اسنوکر چیمپین جوڈ ٹرمپ بھی شریک ہوں گے۔ ایونٹ میں 100 سے زائد ممالک کے 256 پلیئرز شرکت کریں گے جو 13 ستمبر سے شروع ہوگا۔
اس حوالے سے اسنوکر پلیئر شہرام چنگیزی کا کہنا ہے کہ میگا ایونٹ میں پاکستان کی نمائندگی میرے لیے اعزاز کی بات ہے۔ ایمچور اسنوکر کے ساتھ پروفیشنل پول مقابلوں کو بھی سپورٹ کرنا چاہئے۔
واضح رہے کہ شہرام چنگیزی ایشین گیمز میں پاکستان کیلئے برونز میڈل جیت چکے ہیں اور 8 بال پول چیمپین شپ میں بھی پاکستان کی نمائندگی کرچکے ہیں جو 9 بال پول میں پہلی بار شریک ہوں گے۔
یہ بھی پڑھیں: محمد عامر بین الاقوامی کرکٹ کھیلنے کیلئے تیار، بات چیت کا فیصلہ
