بوم بوم شاہد خان آفریدی یکم مارچ کو اپنی 40ویں سالگرہ منائیں گے

کراچی (نگاہ محمد) قومی کرکٹ ٹیم کے سابق کپتان سپر اسٹار شاہد خان آفریدی کی 40ویں سالگرہ یکم مارچ کو جوش و خروش سے منائی جائے گی۔

ملک بھر میں شاہد آفریدی کے مداح اور کرکٹ شائقین سالگرہ کی رنگا رنگ تقریبات کا اہتمام کریں گے جس میں کیک کاٹے جائیں گے اور ان کی شاندار کارکردگی کو خراج تحسین پیش کیا جائے گا۔

مزید پڑھیں:سابق کپتان شاہد خان آفریدی کے ہاں پانچویں بیٹی کی پیدائش

شاہد آفریدی یکم مارچ 1980ء کوخیبر پختونخوا کے شہر کوہاٹ میں پیدا ہوئے ان کامکمل نام صاحبزادہ شاہد احمد خان آفریدی ہے اور وہ پختونوں کے آفریدی قبیلے سے تعلق رکھتے ہیں۔

شاہد آفریدی نے آل رائونڈر کی حیثیت سے دنیائے کرکٹ میں قدم رکھاوہ اپنی جارحانہ بلے بازی کی بدولت دنیا بھرمیں مقبول ہیں ۔