شاہد آفریدی نے ہربھجن سنگھ کو پاکستان آنے کی دعوت دیدی

قومی کرکٹ ٹیم کے سابق کپتان شاہد آفریدی نے سابق بھارتی اسپنر ہربھجن سنگھ کو پاکستان آنے کی دعوت دے دی۔

روایتی حریف پاکستان اور بھارت کے درمیان ٹاکرے سے قبل پاکستانی نجی چینل اور بھارتی چینل کی ٹرانسمیشن اشتراک کے ساتھ پیش کی گئیں۔

 ٹرانسمیشن کے دوران شاہد آفریدی نے سابق بھارتی اسپنر ہربھجن سنگھ کو پاکستان آنے کی دعوت دینے کے ساتھ ساتھ اپنی میزبانی کی پیشکش بھی کی۔

.@SAfridiOfficial invites @harbhajan_singh to ????????.

Afridi : I would like to invite you to Pakistan. I will be your host pic.twitter.com/fVrpEnTLbw

— Thakur (@hassam_sajjad) August 28, 2022

سابق کپتان شاہد آفریدی نے کہا کہ بھجی میں آپ کو پاکستان آنے کی دعوت دوبارہ دیتا ہوں، چاہے کرکٹ ہو یا نہیں آپ پاکستان آسکتے ہیں۔

شاہد آفریدی نے ساتھ ہی ساتھ یہ بھی کہا کہ آپ نے پاکستان میں جہاں بھی گھومنا پھرنا ہو، میں آپ کا میزبان ہوں گا۔

واضح رہے کہ حال ہی میں ہربھجن سنگھ نے ایک یوٹیوب چینل پر بیان دیا تھا کہ پاکستان ٹیم میں میرے دوست ہوا کرتے تھے، پاکستانی کھلاڑی شاہد آفریدی میرے لیے مختلف چیزیں بطور تحائف لایا کرتے تھے۔

ہربھجن سنگھ نے مزید بتایا تھا کہ لالہ میرے لیے پنجابی ڈرامے اور پشاوری جوتی لایا کرتے تھے۔