شاہد آفریدی کو میلبورن کرکٹ کلب نے تاحیات ممبر شپ کے اعزاز سے نواز دیا

پشاور: قومی کرکٹ ٹیم کے سابق کپتان اور مایہ ناز آل راؤنڈر شاہد آفریدی کو میلبورن کرکٹ کلب (ایم سی سی) نے تاحیات ممبر شپ کے اعزاز سے نوازا ہے۔

میلبورن کرکٹ کلب کی جانب سے پاکستان کرکٹ ٹیم کے سابق اسٹار آل راؤنڈر شاہد آفریدی کو کرکٹ میں بے پناہ خدمات پر تاحیات ممبر شپ دے دی۔

اس سے قبل میلبورن کرکٹ کلب کی جانب سے قومی کرکٹ ٹیم کے 22 کھلاڑیوں کو ممبرشپ دی جاچکی ہے جن میں موجودہ وزیراعظم عمران خان، لیف آرم فارسٹ باؤلر وسیم اکرم، فاسٹ باؤلر وقار یونس، لیجنڈری کرکٹر جاوید میانداد، رمیزراجہ اور مصباح الحق سمیت دیگر کھلاڑی شامل ہیں۔

A big honour to receive @MCCOfficial lifetime membership. I want to thank the most prestigious cricket club in the world for the respect and recognition. I would continue to play my part in promotion of this wonderful sport both on and off the cricket field. pic.twitter.com/AaRKKzLXQr

— Shahid Afridi (@SAfridiOfficial) May 4, 2021

سماجی رابطے کی ویب سائٹ پر ٹوئٹ کرتے ہوئے شاہد آفریدی نے اس اعزاز پر ردعمل دیتے ہوئے کہا ’’میرے لیے یہ بہت بڑے اعزاز کی بات ہے کہ دنیائے کرکٹ کے سب سے بڑے کلب نے مجھے عزت بخشی، میں اس اعزاز پر ایم سی سی کا مشکور ہوں جب کہ کرکٹ کو آن دی فیلڈ اور آف دی فیلڈ پروموٹ اور سپورٹ کرنے کی اپنی کوششیں جاری رکھوں گا۔