گوگل نیوز پر ہمیں فالو کریںنیوزی لینڈ کے خلاف کھیلے جانے والے پہلی ٹی ٹوئنٹی میچ میں قومی ٹی 20 کرکٹ ٹیم کے کپتان شاہین شاہ آفریدی نے ناپسندیدہ ریکارڈ اپنے نام کر لیا ہے۔
شاہین آفریدی کو نیوزی لینڈ کے خلاف پہلے میچ میں ایک مشکل سپیل کا سامنا کرنا پڑا جس میں انہوں نے ٹی ٹوئنٹی کرکٹ میں ایک اوور میں سب سے زیادہ رنز دینے کا اپنا ہی ریکارڈ توڑ دیا۔
کیوی اوپنر فن ایلن نے شاہین کو ایک اوور میں 2 چھکے اور 3 چوکے لگائے جس کے بعد یہ اوور ان کا ٹی ٹوئنٹی کرکٹ میں سب سے مہنگا ثابت ہوا۔
واضح رہے کہ پاکستان کو نیوزی لینڈ نے پہلے ٹی ٹوئنٹی میں 46 رنز سے شکست دے کر پانچ میچز پر مشتمل سیریز کا پہلا میچ جیت لیا۔ جبکہ پہلے میچ میں شاہین نے تین وکٹیں حاصل کیں۔
